Skip to main content

Bulimi toqqutigingajakkaa

''Neriguma puallassuunga, nerinngiinnarniarlanga''. Taamaalilluni Kattaliit Rosenørn Løvstrømip inuunini annaangajappaa.

Kattaliit ajakkumini ilaquttanilu juullisioqatigiipput, allatulli ilaqutariittut ataatsimuualaarput. Ukiuuvoq igalaallu kanersimapput, ullorissat igalaani nivingasut juullillu pisataasa qaamasut illup ilua kialaartuutippaat.

Nerisassat juullisunnitsut sassaalliutigineqarput, nerleq tuttulu siatat ris a la mandellu tikki illup ilua tiguarsimavaat. Kisiannili Kattaliip puugutaaniittut nerisassat allaapput, salatit qorsuit tomateeqqanik eddikemillu akullit peqqinnartut.

Ilaqutaasa nerisassaat Kattaliip assut illigigaluarpai taamaakkaluartorli Kattaliip niaquani nipip ilisarisimalluagaata oqarfigaa nereqqusaannginnerarlugu puallaqinammat. Taannalu nipi pisarnermisut ajugaavoq, salatitorpoq naak ilami nerisaat illigigaluaqalugit.

Meeraallunili ris a la mandet mamarilluarsimagamigit imminut akueraluni immannguaq tamusserpoq, mamartaqimmata eqqugassaqartarlutillu Kattaliit peqqippoq.

Nungukkamigit ajuusaarnerup tikimmani imminut pillartariaqalerpoq, qalianullu qummukarluni. 

Perusuersartartarfik ilorrasinnerpaaq ornippaa tusaaneqannginniassagami, matup matunerata nipaa tusaallugu Kattaliit eqqissiallattutullusooq misigivoq. Tassami nerisani aniatilerpai.

Inussaminik imminut qarfeersarluni aallartippoq. Nerisaalu anialerniariartut qaqqortariaq ris a la mande-neersoq toqqusaavanut tattoqiulluni unippoq. Kattaliit anersaartorsinnaajunnaarpoq paatsiveerulluni nillianiarsarigaluarluni. Nalunngilaali nilleraluaruni tusarneqarnaviarani, naalliungaarluni anillatsinniarsaraa iluatsinngitsumik.

- Tassa toqulerpunga, Kattaliit eqqarsarpoq, kisiannili silattuaqilerluni imminut aperaaq:

- Soormi iiginnarukku anillatsinnagu? Akueraluguu nerinissaq iisaqarnissaq. Ammukartussarmiuna.

Kattaliip bulimi nappaatigisimavaa, piffissami aalajangersimasumi nererujussuariarluni meriarsartarneq, ingasattumik timersorujussuarneq aammalu anarnartunik sanigorsaatinillu iioraasarneq.

Kattaliip oqaluttuarnera tamaat Arnanut saqqummertumi nutaami atuaruk, taanna uani pisiarisinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER