Skip to main content

Brugsenip kiffartuussinermut isumaqatigiissutit ernummatigai

Kiffartuussinermut isumaqatigiissutit pillugit oqallinnermut niuertarfiuteqarfik maanna akuliuppoq

Kiffartuussinermut isumaqatigiissutit nutaat Kujataanut qanoq kinguneqartitsissanersut, Brugsenip ernummatigaa. Taamaammallu niuerniartarfiuteqarfik nalinginnaanngitsumik oqariartuuteqarpoq.

- Suliffeqarfimmik ingerlatsivittut Kujataani angallannerup aaqqissuussaanera atuutilertussaq assut aarlerinartipparput, Susanne Christensen, Kalaallit Nunaanni Brugsenimi pisortaq, tusagassiuutinut nalunaarummi allappoq.

Atuaruk: Kim Kielsen: Ajornerulertoqarnissaanik aarlerisaarinikuuvugut

Innuttaasut aarlerisut naapissimagaat
Pisortaq Kujataanut tikeraaqqammerpoq, tassanilu sunnertissimasoq ersarippoq.

- Atorfinni suliassaqarlunga Nanortalimmut, Qaqortumut Narsamullu angalaqqammerpunga, tassanilu inunnik angallannermut aaqqissuusseriaatsimut nutaamut aarlerisunik amerlasuunik naapitaqarsimavunga, Susanne Christensen oqarpoq.

Atuaruuk: Wæverip Knud Kristiansenimik saassussinini sakkortusivaa

Kiffartuussinermut isumaqatigiissutit qaammatit marluunngitsut qaangiuppata atuutilertussanut tunngatillugu suli apeqquterpassuit akineqanngitsut, taassuma isornartorsiorpaa.

- Innuttaasut siunissamut aarlerisut naapissimavakka, taanna naqissusiivoq.

Atuaruk: Kiffartuussinissamut isumaqatigiissutinut Narsami aamma akerliusut

- Kujataa inukilliartortoq
Napparsimasoqartillugu qanoq pisoqartassaneranik, timmisartussaq angumerinngitsooraanni sumi unnuisoqartarnissaanik, nioqqutinik nutaarluinnarnik pisoqarsinnaajuarnera ernummateqarneq, taanna naapertorlugu Kujataata inuerukkiartuinnarneranik kinguneqarsinnaanerarpaa. Inuusuttullu sulisinnaasuseqartut amigaataalissapput.

Atuaruk: IA: Kiffartuussinissamut isumaqatigiissutini innuttaasut ilanngunneqarlik

- Kiffartuussinermik isumaqatigiissutip nutaap, kiisalu Kujataani ineriartortitsinissamut pilersaarutip sutigut ataqatigiinnersoq paasisinnaanngilarput, Brugsenimi pisortaq isumaqarpoq, taassumalu naqissuserpaa, tamanna Brugsenip iliorneranut sunniuteqassasoq.

- Uagut suliffeqarfittut siunissamut ilimagisat takusinnaasagut tunngavigalugit Kujataani aningaasaliinissaq merseraarput, taamatullu ernumassuteqarnerput kisermaatigunanngilarput, Susanne Christensen oqarpoq.

Assit takukkit: Qaqortumi akerliussutsimik takutitsisut aatsaat taama amerlatigisut

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER