Brugsenimut tillinniarneq - pasisaq tigusarineqarpoq

Marlunngornerup unnuaani Narsami Brugsenimut tillinniartoqarpoq.

Tillinniartoqarnerani nerisassanik, imigassanik tupanillu tillittoqarpoq.

Politiit pisiniarfimmut misissuiartorsimasut, tamatumalu kingorna angummik tillinniarsimasutut pasineqartumik tigusarinnissimasut, pigaartut pisortaat Jens Rønberg oqaluttuarpoq.

Angullu taanna pisiniarfimmut siornatigut tillinniarsimasutut politiit pasivaat, pigaartut pisortaat oqarpoq:

- Angut tigusarineqaqqammerpoq, maannakkullu tillinniarnermut tunngatillugu aamma siornatigut Brugsenimut tillinniartoqarneranut atatillugu apersorniarpaat, Jens Rønberg marlunngornermi ullaap tungaani oqaluttuarpoq.