Brugseni suleqatigiinnermut qujavoq: AWG annertuumik iluaqutaavoq

Unammiuaartitsineq marsip qaammataani ingerlanneqareersorlu, Arctc Winter Gamesip Nuummi allattoqarfia uani sapaatip-akunnerani matuneqassaaq.

Kalaallit Nunaanni Brugsenip maanna suleqatigiinnertik iluatsilluartoq qujassuteqarfigaa. Pisiniarfiuteqarfimmi pisortaq, Susanne Christensen, tusagassiuutinut nalunaarummi allappoq, ukiuunerani unammiuaarnerit inuiaqatigiinnut iluaqutaasut.

Atuaruk: AWG2016 millionilikkaanik sinneqartooruteqarpoq

Inuiaqatigiit katersuutsikkaat
- Arctic Winter Gamesip inuit ataqatigiinnerulersippai. Brugsenimi ilikkarparput suliaq taama angitigisoq suleqatigiinnikkut qanoq naammassineqarsinnaasoq. Ilikkakkavut ulluinnarni sulinitsinni atorluarsinnaavavut, Susanne Christensen erseqqissaavoq.

Taassumalu Brugsenimi sulisut nutaanik pisinnaasaqalermata nuannaarutigaa.

- Sulisutta piginnaaneri pitsaanerujussuanngorput. Piginnaanerit suliffeqarfiup iluaqutigiinnarnagit aamma sulisutta namminneq iluaqutigissavaat. Ullumi Brugsenimi AWG eqqaakulasarparput – misilittakkavullu ulluinnarni aqutsinitsinni atortuartarlugit.

Atuaruk: Frimærki 120.000 koruuninik Arctic Winter Gamesimut tunisivoq

Suliassat allat kivissinnaallugit
Susanne Christensenip qularutiginngilaa, suliassat allat ataatsimut kivinneqarsinnaasut.

- Suleqatigiinnikkut kivitseqatigiinneq tamatta misilittagaqarfigillualerparput, misilittakkavut suliassanik allanik naammassinninnissamut atortigit – Sapinngilagut.

- Naggataatigut kajumissutsimik suleqataasut, innuttaasut suliffeqarfiillu nersualaarusuppakka! Sunniuteqarluarpugut.