Brugseni Narsami atuartunut 100.000-inik tunniussivoq

- Atuaqatigiit suliaat pitsaalluinnartuuvoq eqqarsarnarlunilu. Atuaqatigiit inuiaqatigiinnut sakkortuumik oqariartuuteqarput, ilaatigut oqariartuutigineqarluni ilinniarnissap qanoq pingaaruteqartiginera. Inuusuttut suliaminnik takutippaat ineriartornermi siuttuullutik peqataarusunnerat, Kalaallit Nunaanni Brugsenimi siulittaasoq Ib Lennert Olsen oqarpoq.

- Iliniartitaaneq inuiaqatigiinnut kalaallinut pingaaruteqartut ilagaat. Suliffeqarfittut inuusuttut peqataatillugit inuiaqatigiinnut iluaqutaasussanik allannguutissanik suliniuteqarusuppugut. Taamaammat atuaqatigiinnut 'Siunissami atuarfik' pillugu siunnersuutitsialammik peqartunut 100.00 koruuninik unammisitsivugut.

Siunnersuutitsialappassuit
- Siunnersuutitsialaat 24-it tigusimavagut. Piffissangaatsiaq atorlugu siunnersuutit immikkuullarissut misissoqqissaarsimavagut.

- Kalaallit Nunaanni ilinniartitaanerup iluani unammillernartoqaqaaq, atuartulli siunnersuutaat aallaavigalugit takuneqarsinnaavoq inuusuttortaqartugut inuunerminni angusaqarusuttunik.

Ilinniartitsisut taarseraattorujussuit
- Narsap atuarfiani 9. A-mi atuartut pitsaalluinnartumik suliaqarsimapput. Atuarfik unammillernartulik, taamaattorli atuartut akisussaaffimmik tigusiniarlutik aalajangersimapput.

- Unammillernartitaasa ilaat tassaasimapput ilinniartitsisut akornanni atorfinittartut sivikitsuaqqamik atorfeqartarnerat. Ilinniartitsisut sivikitsuinnarmik Narsamiittarput kingornalu illoqarfimmiit nuuttarlutik. Tamannalu soorunami atuartitsinermut atuartullu kajumissusaanut sunniuteqartarluni. Atuaqatigiit atuarfimmi pikkorissutsinik qaffaaqataarusupput, taakkununngalu siunnersuutinik arlalinnik saqqummiillutik.

9.a-mi atuaqatigiit sinnerlugit aallartitat marluk 100.000 koruuninik tigusisuupput.