Skip to main content

Brugseni naatsorsuutigisaminit angusaqarnerusimasoq

Brugseni 2019-imi fem millioner koruuninik amigartooruteqarnissamik naatsorsuuteqarsimagaluarluni 603.000 koruuninik sinneqartoorsimavoq. Ukiumi angusarissaarsimanermut pissutaavoq, 775 millioner koruuninik kaaviaartitaqarsimanermiit 854 millioner koruuninik kaaviaartitaqalersimaneq.

- 2019-imi kaaviiaartitatta amerlanerulersimanerannut, ilaatigut Nuummi Ilulissanilu pisiniarfinnik ammaasimanerput tunngaviuvoq. Sineriammi pisiniarfiutivut allat aamma siuariarsimapput. Pingaartumik Brugseni Nanortalik, Brugseni Qinngorput aamma Brugseni Sisimiut naatsorsuutigisatsinnit angusaqarnerungaatsiarsimapput, 2019.imut ukiumoortumik naatsorsuutini allassimavoq.

Aqutsisut oqaatigaat, ukiuni aggersuni taamatut millionilikkaanik sinneqartoornissaq ilimanaateqanngitsoq, tamatumunnga pissutaavoq Ilulissani Brugsneimi nutaamik ammaanermut annertuunik aningaasaliissuteqarsimaneq. Tassa 2019-imi brugsenimut nutaamut, Brugseni Nataliemut, Ilulissani sulisut inissaannut Maniitsumilu aserfallatsaaliuinermut 40 millioner koruuningajaat aningaasaliissutigineqarsimapput.

Amerlanerungaatsiartunik sulisoqalersimaneq

Sulisut amerlassusaat aamma 473-iniit 2019-ip naanerani 559-inut amerlisimapput.

Ilaasortat 3.448-nik amerleqqissimapput, taamalu ilaasortat maanna 41.321-ullutik, taakku 2019-imi Divi Plussimi 17 millioner koruunit sinnerlugit katersaateqarput.

Brugsenimi aqutsisut naatsorsuutigaat, ukioq manna fem millioner koruuninik angusaqaqqissinnaassallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER