Skip to main content

Broberg: Nunanut allanut nammineerluta politikkeqassaagut

Taama Partii Naleqqami nunanut allanut sillimaniarnermullu politikkikkut oqaaseqartartoq, Pele Broberg, nunanut allanut sillimaniarnermullu politikkimik siamasissunit isumaqataaffigineqartumik takorluugaqartumik ujartuisoq, oqarpoq

– Danmarkip USA-llu nunanut sillimaniarnermullu politikkissatsinnik isummerfigisassatsinnik siunnersuuteqarnissaat ingilluta utaqqiinnassanngilarput. Pineqartumi uagut nammineerluta politikkeqassaagut, Danmarkip USA-llu akuerisariaqagaannik, Pele Broberg Sermitsiamut oqarpoq.

– Piumasaqaateqarnissamut annilaangassanngilagut. Tamatuma akerlianik uagut nammineq nunagaarput nunanit allanit nammineq iluaqutissamissut atorluarniassallugu soqutigineqartoq. Naalakkersuisut Inatsisartullu soqutigisatsinnik isumaginnittussatut qinigaasimapput -  tassa kalaallit soqutigisaannik, kalaallit suliffeqarfiutaasa soqutigisaannik aamma Kalaallit Nunaanni inuiaqatigiit soqutigisaannik.

– Taamaammat nunanut allanut uagut nammineerluta namminerisatsinnik politikkeqassaagut, aamma Issittumut uagut nammineerluta politikkeqassaagut, tamakkualu pillugit oqaloqatigiumaneqartutta tamanna nunami maani ingerlanneqassaaq, Pele Broberg, Københavnimi Kalaallit Nunaat Issittorlu pillugit sapaatip-akunnerata siuliani ataatsimiinneq ersarissumik innersuussutigalugu, oqarpoq.

Nunanut allanut politikkeqanngillat

Naalakkersuisut sukkut tamatuminnga naammassinninngitsutut isumaqarfigaagit?

- Nunarput pineqartumi politikkeqanngilaq. Nunanut allanut tunngasuni naalakkersuisoq Issittoq Kalaallit Nunaallu pillugit Danmarkip Amerikallu nunanut allanut ministeriinik ataatsimeeqateqariartortinnagu Inatsisartuni ataatsimiititaliaq ataatsimeeqatiserineqartanngilaq, taassuma allanut marlunnut Kalaallit Nunaat sinniisuuffigisinnaaniassagamiuk. Steen Lyngemmi naalakkersuisoqatigiit kisiisa sinniisuuffiginngilai, kisianni Kalaallit Nunaata nunanut allanut politikkimi soqutigisai sinniisuuffigisussaavai, Pele Broberg, Partii Naleqqami nunanut allanut sillimaniarnermullu politikkikkut oqaaseqartartuunermi saniatigut Inatsisartuni Nunanut allanut Sillimaniarnermullu Ataatsimiititaliamut ilaasortaasoq, uparuaavoq.

Allaaserineqartoq aviisimi Sermitsiami atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER