Skip to main content

Brobergip oqaaseq naalagaaffeqatigiit akerlerigaa

Oqaaseq naalagaaffeqatigiit danskit naalagaaffiginninnerannut tunngassuteqartoq, naalakkersuisoq Pele Broberg oqaatsimik tassannga atuerusunngitsoq oqarpoq.

Takuuk: Pele Brobergip tusagassiorfinnut nalunaaruteqarneratigut, ilanngutaasiami qulequtsiussaq allanngortinneqarpoq, Brobergip erseqqissaassutigaa, allat oqaatsimik atuinerat soqutiginagu - namminerli oqaatsimik tassannga atuerusunnginneraannarnerarluni.

Nunanut allanut Naalakkersuisup Pele Brobergip (N) oqaaseq "naalagaaffeqatigiit" atorunnaarsikkusuppaa, isumaqarami oqaatsip danskit Kalaallit Nunaannut naalagaaffiginninnerannut tunngassuteqartoq.

Taassuma oqaaseq Danmarkip Kalaallillu Nunaata akornanni pissutsinut atatillugu atoqqinnianngilaa.

Brobergi Berlingskemit apersorneqaluni taamatut oqarpoq.

- Pingaarutilimmik immikkoortitsineruvoq. Oqaaseq taanna tamatsinnut atuuttunut nipeqartarpoq. Taamaanngilarli. Danmarkimununa atuuttoq, taanna oqarpoq.

- Oqaaseq ataatsimoorutarinngilarput

Naalagaaffeqatigiinneq Danmarkip kunngeqarfiani nunat pingasut, tassalu Danmarkip, Kalaallit Nunaata Savalimmiullu imminnut ataqatigiinnerannut taaguutaavoq.

Oqaaseq Tunngaviusumik Inatsimmi allassimanngilaq, assersuutigaluguli politikkikkut oqaaseqarnermi atorneqakkajuttarluni.

- Ajornartorsiutaasoq tassaavoq, Danmarkip 1953-imi iliuuserisimasai tamarmik oqaaseq taanna malillugu akuersaarneqarneri, oqaaatigineqartarlunilu iliuusai tamaasa ataatsimoorussimagivut, ataatsimoorussimanngilavulli, Broberg 1953-imi tunngaviusumik inatsimmik allannguisimaneq pillugu oqarpoq.

Allannguisoqarneratigut Kalaallit Nunaat nunasiaatitut inissisimajunnaarpoq.

'Danskit naalagaaffiat'

Brobergip oqaaseq "danskit naalagaaffiat" atorusunneruaa, kikkut pissaanermik tigummittuunersut tassani erseqqinnerunera pissutigalugu.

Taamaalilluni "paatsuuisarnerit" pinngitsoortinneqartassapput, soorlu assersuutigalugu USA-p præsidenterisimasaata Donald Trumpip Kalaallit Nunaat pisiariumallugu Danmarkimut aperimmat.

Tamanna pivoq 2019-imi aggustip qaammataani, tassani ministeriunerup Mette Frederiksenip (S) Kalaallit Nunaata tuniniagaannginnera erseqqissaatigipallappaa. Ministeriunerup pisiarinnikkumaneq "quianaannarnerarlugu" oqaatiginikuuaa.

Trumpip itigartinneqarami Danmarkimut pilersaarutaasutut tikeraarnissani taamaatiinnarsimavaa.

- Kalaallit Nunaat Danmarkimut pissusissamisoortumik ilaanngilaq. Kalaallit Nunaat nunasiaataanikuuvoq, tamannaluuna immitsinnut atasseqaqatigiissutaasoq. Tamannaana Trumpip paasisimanngikkaa, Pele Broberg Berlingskemut oqarpoq.

Free association atuutsikusunnerugaa

Juunip qaammataani aalajangiunneqarpoq, Kalaallit Nunaat Issittumi Siunnersuisoqatigiit ataatsimiinneranni siulliulluni atsiorlunilu oqaaseqartassasoq.

Tamanna "suliarisimasannut ilaliineruvoq annertooq", Broberg oqarpoq.

Brobergip Berlingskemut erseqqissaatigalugu oqaatigaa, nammineq isummani malillugu Danmarkip siunnersuisoqatigiinni ilaasortaaffiata Kalaallit Nunaannit tiguinneqarnissaanut piffissaq apeqqutaaginnartoq.

Pele Brobergip free associationimik isumaqatigiissuteqarnikkut siunissami kiffaanngissuseqarluni suleqatigiittoqarnissaa angorusuppaa.

Naalagaaffiit marluk tamanna isumaqatigiissutigisarpaat, nalinginnaasumik nunasiaataasimasup nunasiaateqarsimasullu akornanni isumaqatigiissutaasarluni, tassani nunasiaateqarsimasup nunasiaatigisimasani sinnerlugu naalagaaffimmi suliassat arlallit isumagisarpai.

/ritzau/

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER