Skip to main content

Braskip timmisartuutaa nutaaq uani qangattarpoq

Aallartisaasoq assuarineqartoq Gert Brask, Air Greenlandimut misileeqqilluni unammilleqqeriarniarporooq

Inuussutissarsiornermik suliaqartoq Gert Brask, siornatigut iluatsinngitsummik timmisartortitseqatigiiffimmik Greenland Express Airimik ingerlatsisoq, aammalu pisisartunit maalaaruterpassuarnik kinguneqartitsisoq maanna nutaamik misileeqqilerpoq.

Sermitsiaq.AG-p februaarimi 2016-imi allaaseraa, Gert Braskip suleqatigisimasani pisiarisimagaa aammalu russinik finlandimiunillu angalatitsisartunik nutaamik isumaqatigiissusiorsimasoq.

Atuaruk: Brask angalatitsivinnik ilalerluni piareertoq

Atuaruk: Braski niuerniaqqittoq

Piffissap ingerlanerani ingerlatseqatigiiffik nutaaq, Sky Greenlandimik taaguuteqartoq pilersinneqarsimavoq, Braskilu timmisartunik nutaanik pisiareqqammisaminik Fokkerinik 2017-imi nunatsinni niueruteqarnikkut Air Greenlandimut unammillerniarpoq, taanna Check-In.dk-mut oqaluttuarpoq.

2017-imi ammassasoq
Maannakkorpiaq Braskip timmisartui ingerlatseqatigiiffinnut allanut timmisartuussisarput - tassa Facebookimi quppernerit Sky Greenland aamma Denim Air (Braskip ingerlatseqatigiiffia alla) paasissutissat naapertorlugit taamaappoq.

Check-In.dk-mi allaaserisaq naapertorlugu, Sky Greenland 2017-imi Danmarkip Kalaallit Nunaatalu akornanni akunnattumik takisuumut timmisartut anginerusunik timmisartuussisalissaaq.

Timmisartut Fokkerit ilaasut Kangerlussuup aamma assersuutigalugu Nuup Ilulissallu akornanni timmisartuussisassapput.

Atuaruk: Pisisartut Greenland Expressimut kamattut

Londonimi atornikut
Check-In.dk-p allaaserisaani maanna mittarfiit pioreersuni timmisartut Fokkerit pisinnaasaat annikitsuinnarmik eqqartorneqarput.

Paasisaqarfiit suliamut ilisimasallit minnissamut naannerpaaffinnik assigiinngitsunik saqqummiussaqarput, tassa 1.017 meterit, 1.120 meterit aammalu 1.359 meterit.

Mittarfiit minnerit killeqartut
Braskip timmisartorsiai Fokker-50-it VLM Airlinesimit ukiorpassuarni London City mittarfianit angalanernut atorneqartarsimapput, tassani mittarfik 1.500 meterinik takissuseqarpoq. Nuummi aamma Ilulissani mittarfiit 950 meterisut aamma 845 meterisullu taamaallaat takissuseqarput.

Naalakkersuisut mittarfinnut nutaanut pilersaarutaat naapertorlugit, Nuummi Ilulissanilu mittarfiit tamarmik 2.200 meterisut takitigilersinneqartussaapput, kisianni mittarfiit takinerusut siusinnerpaamik 2018-imi aamma 2019-imi piareerniarneqarput.

Facebookimi quppernermi Sky Greenlandimi Gert Braskip timmisartoq Fokker 50 saqqummiuppaa

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER