Skip to main content

Brask angalatitsivinnik ilalerluni piareertoq

Finlandimiut angalatitsiviat Green Air, maajimi finskit aamma russit angalatitsivii 25-t peqatigalugit timmisartuussisalerniarpoq

Timmisartortitseqatigiinnik aallarnisaasoq Gert Brask, suliffeqarfiutimi Sky Greenlandip qanittukkut Green Airimut piginneqataassutsit 75 procentiinut pisinikuuneranut atatillugu annertuumik aarlerinartumik iliorpoq.

Atuaruk: Braski niuerniaqqittoq

Timmisartortitseqatigiiffik timmisartuuteqanngitsoq taanna maajimi angallassilissaaq. Green Airillu finskit aamma russit angalatitsivii 25-t tunuliaqutarai, taanna piffimmi Finnarimit tigummineqartumut allamik toqqagassamik pilersitsinissamik kissaateqarpoq, Check-In.dk taama allappoq.

Finlandimi mittarfik
Timmisartuussinerit Fokker F-100-nik Denim Airimeersunik ingerlanneqassapput, mittarfimmilu Laapenrantamit aallartassapput, taanna Finlandip illoqarfiisa pingaarnersaannit 200 kilometerit missaani inissisimavoq.

Atuaruk: Brask timmisartortitseqatigiiffimmiik pisivoq

Russit angalasut
Tassani russit 
 Sankt Petersborgimeersut angalasut Finlandimut biilersinnarlutik mittarfimmi akeqanngitsumik biilit inississinnarlugit angalasarnissaat siunertaavoq. Europami illoqarfissuit angalaffissaassapput.

Aarlerinartorsiortoq
Green Airimik suliniummik ingerlatsinermini Gert Brask aamma Sky Greenland aarlerinartumik ingerlatsivoq, Green Airi nammineq bilitsinik tuniniaassagami, angalatitsisullu issiavinnik aalajangersimasunik qulakkeerinnittuullutik, Check-In.dk allappoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER