Bornholmip eqqaani gassip aqqutaannik aserorterineq: Kalaallit Nunaannut ilinniagassaq

Bornholmip eqqaani Nordstream 1 aamma 2-mi putut Kalaallit Nunaannuteqeersaataassapput immammi naqqani aamma atortulersuuteqarpoq pingaarutilinnikmianernartunik taaneqartartunik. Tassaanerupput immap naqqatigut kabelit, internetimutoqarasuaammullu attaveqiit nunatsinnik nunarsuarmut attaviliisut.

Ukioq manna januaarip arfineq aappaani tassanngaannaq kabelit 1300 kilometeriniktakissusillit marluk aappaa Svalbardip Norgellu nunavittaata akornanniittoq attaveeruppoq.Russit kilisaataataat Melkart-5 ajoqusiisimasutut pasineqarpoq.

Immap naqqatigut kabelit eqqaani russit umiarsuaat takuneqartartut, AG-mi tusarfik
tutsuiginartoq nalunaarpoq. Siunertaasinnaavoq kabelit sumerpiarmiinnersut
nalunaarsornerat, taamaalillutik ilaatigut atortutigut aserorterilluni sorunnerup
ilagisinnaallugu. Taamatut periuseqarluni Østersømi gassinik aserorterisoqarpoq.

Maajimi AG-p russit pissusilersornerat pillugu paasissutissat Issittumi Sakkutooqarfimmut
saqqummiuppai, taakkuli ”uppernarsisinnanngilaat naalagaaffinnit allanit umiasuit immap
naqqatigut kabelinik soqutigisaqartoqarnersoq”.

Aviisimit AG-mit taamatut allapput.

Russit nunarsuarmi sumi tamaani immap naqqatigut kabelinik gassillu aqqutaanik
soqutigisaqarnerat nutaajunngilaq, immikkut ilisimasallit arlaqartut oqaluttuarput. Kalaallit
Nunaanni pisoq toqqaannartumik isummerfiginngikkaluarlugu kontreadmiraliusimasoq Nils
Wang oqarpoq, nalinginnaasumik ”akuttunngitsumik” taama pisoqartartoq.

Oqarpoq taamaattumik pingaartuusoq kabelit ruujorillu nakkutigeqqissaarnissaat –
suliassaasorlu ”maannamut pingaartinneqarsimanngitsoq”.

- Eqeersaataavoq, Wang oqarpog:

- Imaakkunnaarsimavoq Issittup pissanganartorsiorfittut isigineqarsinnaanera.

Ilanngutassiaq tamaat aviisimi AG-mi sapaatip-akunnerani matuani saqqummersumi atuaruk, ugguuna iserfigisinnaavat.

Powered by Labrador CMS