Boris Johnson ministerit qullersartaassaat nutaaq
Boris Johnson Det Konservative Partimi siulittaasutut Tuluillu Nunaanni ministerit qullersartaassaattut nutaatut akuerineqarpoq.
Nunanut allanut tunngasunut ministeriusimasoq Londonimilu borgmesteriusimasoq Boris Johnson Tuluit Nunaanni Theresa May ministerit qullersaattut inissisimareerpat tullinnguussaaq.
Uani tuluit ministerit qullersartaassaat pillugu atuarsinnaavutit:
Ateq: Boris Johnson.
Inuuia: 19. juni 1964 (55-inik ukioqarpoq).
Inunngorfia: New York City, New York, USA.
Inuiaassusaa: Tuluit Nunaanni Amerikamilu innuttaassuseqarpoq.
Ilinniarsimanera: Oxford Universitetimi klassiske studier-ini ilinniarsimasoq, 1987. Ministerit qullersaasimasoq David Cameron peqatigalugu ilinniartuusimavoq.
Sulinermi misilittagai:
* 1989-imiit 1994-imut tuluit aviisiannut The Telegraphimut Bruxellesimiit ilanngutassiortutut Boris Johnson sulisimavoq.
* Tuluit inatsisartuini De Konservativeni 2001-imiit 2008-mut ilaasortaasimavoq. Taassuma kingorna 2008-miit 2016-imut Londondimi borgmesteriusimalluni. Tuluit inatsisartuini Uxbridge and South Ruislipimi 2015-imiit ilaasortaavoq.
* Juuli 2016-imiit juuli 2018-imut tuluit nunanut allanut tunngasunut ministererisimavaat.
Aappaliunneq: Marloriarluni katinnikuusimavoq, kingullermik Marina Wheeler katissimavaa, ullumikkut imminnut najunngillat. Katillugit tallimanik qitornaqarpoq.
Najoqqutat: "Just Boris" (2011), New Statesman, Politiken, parliament.uk.