Borgmester: Nuuk 2035-mi orsussamik atuiffiunngitsoq

- Utoqqarmiut Kangerluarsunnguanni erngup nukinganik innaallagissiorfiup allilerneqarneratigut illoqarfiit pingaarnersaanni piujuartitsisumik orsussamillu atuiffiunngitsumik ineriartornermi sinaakkutissanik nutaanik pitsaanerusunillu pissarsissaagut, borgmester Charlotte Ludvigsen oqarpoq

Borgmester Charlotte Ludvigsen: – Oqaluinnarnermut taarsiullugu maanna iliuuseqassaagut. Illoqarfiit pingaarnersaanni illoqarfik 2035-mi ikummatissamik atuiffiussanngilaq aamma atoqqiinerusalissaagut.

Borgmester Charlotte Ludvigsen anguniagaq EarthCheckimi saqqummiuppaa. Nuuk Issittumi illoqarfiit pingaarnersaanni siulliulluni piujuartitsisuussaaq, 2035-milu illoqarfik orsussamik imerpalasumik atuiffiussanngilaq. Nuummi nukissiap atorneqartup 80 procentiata orsussamit imerpalasumeersuunera eqqarsaatigissagaanni, anguniagaq taanna annertuvoq.

Aviisi Sermitsiaq taama allappoq.

- Nammineq qanoq iliorsinnaanerput sumillu aalajangersinnaanerput killeqarpoq. Nukissiorfiit qanoq anguniagaqarnerat, piginnittuisalu Inatsisartut Naalakkersuisullu sunik akuersisinnaanerat apeqqutaasorujussuuvoq, namminersorlutillu oqartussat immikkoortui pinngitsoorsinnaanngilagut. Taamaalilluta umiarsuit timmisartullu orsussanik imerpalasunik atuinerannut sunniuteqanngilagut, Charlotte Ludvigsen oqarpoq.

- Naalakkersuisulli Parisimi isumaqatigiissummut ilaalernissamik Nuummilu erngup nukinganik innaallagissiorfimmik annertusaaniarlutik aalajangernerisigut, peqatigisaanillu Aasiaat Qasigiannguillu akornanni erngup nukinganik innaallagissiorfimmik nutaamik sanaartornissamik aalajangernerisigut, Naalakkersuisunit pisariaqartumik taperserneqarsinnaasugut ilimagisariaqarpoq, borgmesteri isumaqarpoq.

- Taamaammat erngup nukinganik innaallagissiorfimmik alliliinermi 2035-mi illoqarfitta orsussamik imerpalasumik atuiffiunnginnissaa anguniakkiuppara. Illoqarfiit pingaarnersaat anguniagaqarnerpaat 2024-mi orsussamik imerpalasumik atuiffiunnginnissaq anguniagaraat, anguniagarissaartullu 2050 taavaat. 2035-mili anguniagaq angorusuppara, Charlotte Ludvigsen, kommunalbestyrelsimik, namminersorlutik inuussutissarsiortunik innuttaasunillu tamanik pilersaarumminik ilanngutsitsinissamik neriuuteqartoq oqarpoq.

Aviisimi Sermitsiami allaaserisaq tamakkerlugu atuarsinnaavat:

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS