Borgmesteri: Visit Greenland Ilulissanut nuunneqarli

Ilulissat takornariarneqarnerpaajuaannassaaq. Taamaattumillu inuussutissarsiummut tunngatillugu pisortaqarfiit Ilulissanut nuunneqartariaqarput, soorlu aamma Visit Greenland

- Pingaarnertut oqariartuutigissavara, nalunnginnakku takornariaqarneq nunarput tamaat eqqarsaatigissagaanni, Ilulissani qitiulluta, taamaattumik anguniarparput takornariaqarnermi pingaarnerpaatut inissisimajuarnissarput aamma inissimanissarput.

Avannaata Kommuniani borgmesteri Palle Jerimiassen aviisimut Sermitsiamut oqarpoq.

Visit Greenlandip allaffeqarfiata nuunneqarnissaa arlalitsigut arlalitsigut iluaqutaassasoq Palle Jerimiassen isumaqarpoq.

Nuna tamakkerlugu takornariaqarnermut periusissiap suliarineqarneranut atatillugu Avannaata Kommunianit ilassutissaq 25-inik qupperneqartoq maanna suliaraat. Taannalu naammassillugu januaarip 15-ani 2019-mi Inuussutissarsiornermut Nukissiuutinullu Naalakkersuisoqarfimmut tunniunneqassaaq. Ilassutitullu suliaq Avannaata Kommuniata takornariaqarnermut periusissiassaanut sinaakkusiisuuvoq, taannalu maajimi 2019-imi naammassillugu politikkikkut saqqummiunneqassaaq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiarineqarsinnaavoq:

Powered by Labrador CMS