Borgmesteriusimasoq Tasiilami toqutsisutut eqqartuunneqartoq

Borgmesteriusimasoq aamma Inatsisartunut ilaasortaasimasoq Jakob Sivertsen ukiuni arfinilinni pineqaatissinneqarsimasut inissiisarfianniittussanngorlugu eqqartuunneqarpoq. KNR taama allaaserisaqarpoq.

Toqutsineq januaarip 13-anni ukiormanna pivoq, maannalu eqqartuunneqartup arnaq aallaasimallugu ingerlaannaq nassuerutigaa, KNR naapertorlugu taanna nuliata soraluaraa.

Illoqarfimmi sapaatip-akunnerani alianareersumi toqutsineq pivoq, tassani inuusuttut arnat marluk imminut toqupput. Taakku pisut alianartut pingasut innuttaasunit sakkortuumik qisuariarfigineqarput, ilaatigut naneruarluni ingerlaaqatigiittoqarpoq. Kommuneqarfik Sermersooq illoqarfimmut ikiuisussanik aallartitsisvoq, aamma borgmester Asii Chemnitz Narup (IA) illoqarfimmut angalavoq.

KNR eqqartuussivimmi allagaatinik takunnissimasoq naapertorlugu, arnap Jakob Sivertsen ornippaa, matua tukkallugu aamma igalaaq sequmippaa. Jakob Sivertsenip ingerlanngippat aallaaniarlugu oqarfigisimagaa ilisimannittoq oqaluttuarpoq. Kinguninngua ajortumik kinguneqartumik igippoq.

Jakob Sivertsen imminut illersorniarluni aallaasimalluni eqqartuussivimmi nassuiaavoq, kisianni tamanna nassuiaat eqqartuussivimmi akuerineqanngilaq. Eqqartuussissut Nunatta Eqqartuussisuuneqarfianut suliassanngortippaa.

72-inik ukiullip Tasiilami toqutsinini nassuerutigaa

Tasiilarmiut anorersuarmi neriuummik ikitsisut

Tasiilami toqutsisutut unnerluutigineqartoq sianissutsimigut misissorneqassaaq

Tasiilami immikkut suliniutit ingerlaannassapput