toqutsisoq
Borgmesteriusimasoq: Inuunerma sinnera peqqissimissaanga
Siornatigut Inatsisartuni ilaasortaq Ammassalimmilu borgmesteriugaluartoq Jakob Sivertsen ukiut arfinillit pinerluuteqarsimasunut inissiisarfimmiissaq arnamik inuusuttumik toqutsisimasutut. Nunatta Eqqartuussisuuneqarfia taamaaalajangerpoq sumiiffimmi eqqartuussiviup aalajangernerata suliareqqitassanngortinnera naammassimmat
Ukioq januarimi pisup 74-nik ukiullip Jakob Sivertsenip inuunera qaqugumut allanngortippaa. Nuliami soraluaa 29-nik ukiulik sakomik kaliber 243-mik aallaavaa arnaq taanna inuusuttoq mobiliminik aalleraluarmat ulloq taanna siusinnerusukkut pulaarami qimattoorsimasaminik.
Miserratiginninngisaannarsimasoq
Toqutsineq Jakob Sivertsenip miserratiginngisaannarpaa, taamaattorli peqqissutsini imminullu illersorniarluni iliuuserisani tunngavilersuutigalugit sakkukinnerusumik pineqaatissinneqarnissani piumasaralugu Sermersuup eqqartuussiviata aalajangernera Nunatta Eqqartuussisuuneqarfiani sapaatip akunnera kingulleq suliareqqinneqarmat. Siullermillu eqqartuunneqarami ukiuni arfinilinni pinerluuteqarsimasunut inissiisarfimmiittussanngortinneqarpoq.
Jakob Sivertsen ajaappissani iluaqutigalugu Tasiilami eqqartuussivimmut iserpoq. Eqqartuussineq videokkut assit atorlugit Nuummiit aqunneqarpoq.
Unnerluussaasup issivianut ingippoq pappiararlu oqaasissaminut eqqaamassutissanik allattuiffigisimasani kaasarfimminit tigusinnarlugu nerrivimmut saaminiittumut ilillugu.
Eqqarsaatini pappiaqqamut allattortarai
- Iliuuserisimasara akuerinngisaannassavara. Eqqarsaatikka aamma pappiaqqamut allattortalernikuuakka, Jakob Sivertsenip nassuiaanini aallaqqaaserpaa.
Eqqartuussinermik tusagassiuineq Jakob Sivertsenillu oqaloqatiginera AG aviisimi tamakkerlugu atuaruk. Aviisi uani pisiarisinnaavat: