Skip to main content

Borgmesteri: Ukkusissarmiut nalaatsinerlunnermi ikiorneqarput

Nunaqarfimmik Ukkusissani illu tallimanngormat ikuallappoq, inuillu pingasut ajunaarsimassangatinneqarput. Oqartussat maanna nunaqarfimmiipput, ilaqutaasut innuttaasullu piffissami artornartumi tapersersorlugit.

Juunip 18-anni Ukkusissani ikuallattoqarnerani ajunaarsimassangatinneqartunut ilaqutaasut borgmesterip oqaloqatigai. Suliamik sullissisut arlallit nalaatsinerlussimasunut ikiueqqaarnermik suliaqartikkiartorlugit Ukkusissanut aallartinneqarsimapput.

- Ikuallattoqarneranik nalunaarfigineqaratta, ikiueqqaartussat tallimanngormat ullaap tungaani Ukkusissanut aallartinneqarput. Ilaqutaasut nunaqarfiup avataaniittut erngertumik aamma attaveqarfigineqarput. Piffissami artornartumi ilaqutaasunut Ukkusissanilu innuttaasunut misiginneqataangaarpunga, Avannaata Kommuniani borgmesteri oqarpoq.

Toqusoqarsimatillugu misissuisartut Danamarkimit ullumi pingasunngornermi tikissasut, ikuallannermut suna pissutaanersoq paasiniariartorlugu, politiit ilisimatitsipput. Ajunaartut kinaassusaat politiit suli uppernarsarsinnaanngilaat, kisianni ikuallattoqarnerani inuit pingasut ajunaartut qularutiginngilaat.

- Inuit taakku pingasut kinaassusaat ilimatsaateqqasorujussuuagut, aamma taakku pingasut ajunaarsimasut ilimatsaateqqavarput, Simon Andrés, Nunatsinni Politiit misissuisartut immikkoortoqarfianni aqutsisoq oqarpoq.

Upalungaarsimasut tikeqatigaat
Ikuallattoqarneranut atatillugu inuit taakku pingasut ajunaarsimassangatinneqartut, tusarfiit arlallit Sermitsiaq.AG-mut kikkuunerinik ilisimatitsipput. Arnaq, taassumalu inooqataa meeraallu ataatsimik ukiulik pineqarput. Sullissisut arlallit suli nunaqarfimmiipput, ilaqutaaasut innuttaasullu tapersersorlugit.

- Ilulissani ilaqutariinnut sullissivimmeersut maannakkut Ukkusissaniipput. Ilulissani SAR-imik upalungaarsimasut tallimanngornermi ullaap tungaani tikeqatigaat. Uummannami inunnik isumaginnittoqarfimmit pingasut allat aamma nunaqarfimmiipput, piffissami artornartumi innuttaasunik ikiuiartorlutik. Upalungaarsimanermut pisortaq aamma Ukkusissaniippoq, pissutsit misissoriartorlugit, Palle Jerimiassen oqarpoq.

Ajornartoornermi ikioqqaarneq pisariaqartinneqarunnaarnissaata tungaanut periarfissaassaaq, borgmesteri ilisimatitsivoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER