Borgmesteri: Taamaammat Juliane atorfinitsinneqarpoq

Borgmesterip Malik Berthelsenip nassuiarpaa, sooq kommunip Juliane Henningsen pisortaanertut nutaatut atorfinitsissimaneraa.

- Julianemik atorfinitsitsinitsinni pingaartissimavarput, komunip suliaanut malinnaallunilu ilisimasaqarluarnera, tamatumalu saniatigut takusimavarput, Arctic Circle Businessimi pisortaanermini pikkorilluni eqeersimaarlunilu suliaminut pimoorussisuusoq, borgmesteri Malik Berthelsen Juliane Henningsenimik atorfinitsitsineq pillugu oqarpoq.

Juliane Henningsenip Qeqqata Kommuniani pisortaanertut atorfik novembarip 15-aini Paneeraq Olsen taarserlugu tigussavaa.

- Inuiaqatigiinni aamma suleqataalluarsimallunilu ineriartornermut malinnaasimavoq, tamatumunnga peqatigitillugu Qaqisami suleqataanermigut inuussutissarsiortut atuarfiullu attaveqatigiitarnerat pitsanngorsaaqataaffigisimavaa, borgmesteri ilanngussivoq.

Powered by Labrador CMS