Skip to main content

Borgmesterit marluk: Angajullerni misilitsinnissat unitsiinnarlik

Kommuneqarfik Sermersuumi borgmester, Charlotte Ludvigsen, maanna piumasaqarpoq Namminersorlutik Oqartussat meeqqat atuarfiini angajulliit misilitsinnissaannut aalajangertariaqalersut. Marlunnik siunnersuuteqarpoq, taakkulu Kommune Kujallermi borgmesterip isumaqatigai.

Meeqqat atuarfiini inaarutaasumik misilitsinnerit unitsiinnarlik, ukiumullu angusat karakteritut atuinnarlugit. Imaluunniit misilitsiffissat ullui kinguartinneqarlik.

Coronavirusip ajornartorsiortitsinerata inuiaqatigiit unittoortilluinnarsimammagit, siunnersuutit taakku marluk eqqarsaatigineqarsinnaasut, Kommuneqarfik Sermersuumi borgmester Charlotte Ludvigsen (IA) isumaqarpoq. Taassuma erseqqissaatigaa Namminersorlutik Oqartussat qanoq aalajangerpataluunniit, karakterit pitsaanerutinniarlugit misilitseqqinnissaq periarfissaassasoq.

Danmark tamassumunnga tunngatillugu aalajangereerpoq. Tassa meeqqat atuarfiini misilitsiffissat unitsiinnarneqarput, ukiumullu angusat atuutsiinnarneqarlutik. Namminersorlutik Oqartussat suliami suli aalajanginngillat.

Misilitsiffissat qanilligaluttuinnarput.

Aprilip 27-ani meeqqat atuarfiini angajulliit misilitseqqaassapput, tassa kalaallisut allattariarsornermi misilitsissagamik. Misilitsinnerit maajip aallaqqaataani naggaserneqassapput.

- Pilersaarutit malillugit piffissaliussani misilitsinnissat imminut illersorsinnaasorinngilagut. Siullermik misilitsinnerit unitsiinnarusunneruagut, ukiumullu angusat inaarutaasumik angusanut nuutsiinnarusunnerullugit. Taamaassinnaanngippat misilitsiffissat ulluinik kinguartitserusupput, Kommuneqarfik Sermersuumi borgmester Charlotte Ludvigsen (IA) Sermitsiaq.AG-mut oqarpoq.

Kommune Kujalleq isumaqataavoq

Sermitsiaq.AG-p Charlotte Ludvigsenip isummerneranut Kommune Kujallermi borgmesteri, Kiista P. Isaksen (S) isummertippaa. Taannalu borgmestereqatiminut isumaqataavoq.

Sinerissami atuarfiit påskep kingorna ammaqqittussaagaluartut, taamaattoq suli unammillernartoqarpoq.

Atuartut soraarummeertussat ilaat nunaqarfimminniipput, atuartitsinerillu aallarteqqinnissaannut illoqarfinnut tikissinnaanatik. Illoqarfiit taakkulu nunaqarfigisaasa akornanni angallannerup uninngatinneqarnerani, atuartut angalatinneqarsinnaanngillat.

- Atuartut arlallit nunaqarfimminnit aallariarsinnaanngillat. Kommuninut allanut tamanna aamma atuuppoq. Censorit illoqarfiup avataanit aamma tikisinniartariaqassavagut. Angalanissamulli akuerineqarnissaq ajornaatsuinnaanngilaq, Charlotte Ludvigsen oqarpoq.

Oqaloqatigiilluarnermut qujanaq

Ilinniartitaanermut naalakkersuisoq Ane Lone Bagger (S) tusagassiutinut ullumi nalunaarutimini erseqqissarpaa qujassutigalugulu borgmesterit oqaloqatigilluarneqarnerat suleqatigilluarneqarnerallu. Tusagassiutinut nalunaarutimini ilanngutinngilaa meeqqat atuarfiini soraarummeertussat qanoq aalajangiiffigineqarnersut.

Namminersorlutik Oqartussat maanna suliaqarput, meeqqat atuarfiinut ilinniarfinnullu soraarummeertoqarnissaanut tunngasumik, allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER