Borgmesteri: Pisariinnerusumik sulisartunik avataaniit tikisitsisinnaasariaqarpugut
Avannaata Kommuniani sanaartugassanut aningaasaliisutit 82 millionit koruuniupput. Ilulissani mittarfissuartaarnissaq isumalluarfigineqarluni hotelinik inissianillu attartortagassanik sanaartortoqarumavoq
Avannaata Kommuniata borgmesteriata Palle Jerimiassenip isumalluarpalunnera nipaani tusaaneqarsinnaavoq, Ilulissani mittarfissuassaq inatsisartunit akuerineqarluni
piviusunngortinneqartussanngormat, Sermitsiaq allappoq.
Tamannalu inuussutissariortut isumalluarlutik pilersaaruteqalernerannik kinguneqarpoq, tassami borgmesterip hoteliliorusullutik sanaartorumasut maanna naapittalerpai.
Suliassaqarluarnera pissutigalugu avataaniit tikisitsisarlersinnaanissamut aqqutissiuussinissaq borgmesterimit isumalluarfigineqarpoq.
- Kisianni aamma pisariaqartipparput nunatta iluani assigiinngitsuninngaanniit pissarsinissarput, kisianni aporfigigatsigu aamma inissaqartitsineq, taakku imminnut ataqatigiikkamik, taamaammat tunisassiorfeqartuni tunisassiorfiit aamma allani
assigiinngitsuni suliaqartuni inissanik amerlanerusunik pissarsinissaq sanaartornissaq pisariaqarpoq. Tassani naalakkersuisut aamma ilagisariaqassavagut, oqarpoq.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: