Skip to main content

Borgmesterip nutserinissamik siunnersuut amigartoq nassuerutigaa

Atorfiit nutsernissaannut isummani allanngorartut, Ole Dorphip (S) nassuerutigaa, aammalu atorfiit ilaat Nuummi ingerlalluarnerussasut

Ole Dorhpip (S) 2013-mi Paamiuni Imarsiornermik Ilinniarfimmi siulittaasutut, qullersaqarfik aamma imarsiortut naalagaattut ilinniarfik Nuummut nuunneqarnissaat innersuussutigaa.

Taassuma ullumikkut killormoortuanik innersuussuteqarpoq, allaat atorfiit amerlanerusut Nuummit nutserneqarnissaat kissaatigalugu.

Avannaanni kommunimi borgmesterip tamanna ullumi Sermitsiaq.AG-mut nassuerutigaa.

Atuaruk: Ole Dorph ullumikkut siunnersuumminut akerliuvoq

Oqallissaarutaannaasoq
2013-imi Dorphip illoqarfiit pingaarnersaannut nutsernissamik pilersaarummik kissaateqarpoq, ilinniarfiup ilinniartitaanermi avatangiisit, aqutsineq, ilinniakkamik siunnersortinnerit aamma sungiusaatigalugulu suliffissat pitsaanerusumik ataqatigiissarnissaarneqartassammata.

Qanoq ilillutit isummat allanngortikkakku?

- Siunnersuutigisarput qiviaraanni pikkoriffigisimallutigu oqarsinnaavunga. Una siunnersuut (atorfiit 600-t nutserneqarnissaat red.) isumaqatigiinniarnissamut oqallissaarutitut taamaallaat tiguneqassaaq.

Mumittoq
- Atorfiit taakkartukkagut tamarmik assigiinngitsuupput, soorunalimi ataasiakkaarlugit nalilersorneqassapput. Pilersaarummiittut ilaat imaassinnaasoq piviusunngortinneqarsinnaanngitsut, kisianni nutserinissamik mattussiveqqanngilagut.

Kisiannimi ukiut pingasut matuma siorna Imarsiornermik Ilinniarfimmi siulittaasutut siulersuisutit peqatigalugit tunngavilersuutippit killormoortua siunnersuutigaarsi?

- Oqaatigeqqissavara, soorunalimi pilersaarutip ilaa piviusunngortinneqarsinnaanngilaq, oqariartuutigaarpulli suna tamarmik Nuummi inissinneqarsinnaanngitsoq.

Atuaruk: Wæver Johansenip nuussuinissaq illersorpaa: Nunarput aningaasanik sipaaruteqassaaq

Imarsiornermik Ilinniarfiup Paamiuni inissisimatinneqarnissaanut ullumikkut suli taakku ajornartorsiutaappat?

- Aap, kisianni immikkoortortaqarfik (tunngaviusumik ilinniarfik red.) suli Paamiuni inissisimasoq ajunngitsumik ingerlasoq ilisimavara. Kisianni aamma ilinniarfik qanoq ingerlarpiarneranik 2013-imi upernaakkut siulersuisuniikkunnaarami malinnaanikuunngilanga. Ilinniarfik ullumikkut ingerlalluarnertoq ilimagaara.

2013-imi oqaatigisat ugguaraajuk? 

- Naamik, peqqissimissutiginngilakka. Ilinniarfimmut maanna qinnuteqarluartoqartarpoq, taamanikkullu Paamiuniikkallarmat qinnuteqartut amerlavallaarneq ajorput.

Allaaserisaq 2013-imeersoq atuaruk: Ilinniarfiup nuunneqarnissaa pillugu oqallinneq illuinnaasiortoq

Qanoq ilillutik ullumikkut isumaqarsinnaavit, suliffeqarfiit 600-t Nuummit nutserneqarnissaat pitsaasuusoq, ukiut pingasuinnaat qaangiuttut siulittaasuullutik siulersuisut isumaqatigalugit killormoortuanik tunngavilersuinikuullutik?

- Ilinniarfiit piffinni taakkunani (Paamiut, Nuuk, aamma Uummannaq red.) ingerlalluarput, Ole Dorph akivoq.

Atuaruk: Siunnersuut: Nuummi suliffiit 600-t ukununnga nuussapput

Atorfiit Nuummit nutserneqarnissaat ullumikkut akerliuffigigit paasisariaqarpa?

- Suliffiit qanoq ittuuneri apeqqutaapput. Siunnersuutigisarput aallaavigalugu massakkut oqallisissaagut. Soorunami inissaqarnerup aamma aningaasaqarnerup tunngasut arlallit siunnersuummi erseqqissagassaapput.

Isornartorsiuineq paasigaa
Demokraatit annertuumik ilinnut isornartorsiuipput, Nuummit killormullu atorfinnik nutserinissamik isumaqarsimanerit pissutigalugu. Tamanna paasisinnaaviuk?

- Aap, tamanna paasilluinnarpara. Atorfiit ilaat immaqa allami inissisimasinnaagaluartut takunngitsoorsimavagut, atoorfiillu ilaat immaqa ullumikkut Nuummiinnerat ajunngilaq, Qaasuitsup Kommuniani borgmesteri, Ole Dorph oqarpoq.

Atuaruk: Ole Dorph ullumikkut siunnersuumminut akerliuvoq

Atuaruk: Nuussinissamik siunnersuut Naalakkersuisut itigartippaat

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER