Skip to main content

Borgmesterip Inip Nuummut nuunneqarnissaa eqqumiigivaa

Qeqqata Kommuniata borgmesteriata, Siumumeersup Hermann Berthelsenip, paasiuminaatsippaa Inip qullersaqarfiata Sisimiuniit Nuummut nuunniarneqarpasilernera

Inip ataani atorfiit marluk inuttassarsiorneqartut, tassalu Inip pisortaatut kiisalu atorfilittanut aqutsisoq, Qeqqata Kommuniani borgmesterimut, Siumumeersumut Hermann Berthelsenimut, paatsuungatitsilerput Ini Nuummut nuunniarneqarnersoq.

  
- Atorfiit taakku marluk Sisimiuniikkunnaarlutik Nuummut nuunniarneqarput, Hermann Berthelsen oqarpoq.

Imalu nangippoq:

- Tamannali naammanngilaq. Allagarsiussaq naapertorlugu uppernarsaatilimmik suliffeqarfimmik allannguisimaneq imaluunniit ‘ingerlatsivimmik nalimmassagaasumik allannguinermut suleqataasimaneq’ pisortaanissamut piumasaqaatigineqarpoq.

Taamatut nuutsitsiniarnerup siunertaa, ‘ilutigalugu Kalaallit Nunaata ataatsimoornerulernissaanik politikkikkut oqariartuutigineqartunut akerliusoq’ Hermann Berthelsenip paasiuminaatsippaa. 

Sisimiut eqiterussinermik eqqornerlunneqartoq
- Nuummut nuutsitsisoqarani killuup tungaanut Nuummiit nuutsitsisoqassaaq, Hermann Berthelsen oqarpoq.

Atorfinnik Nuummut nuutsitsilluni Inip atorfinnut inuttassarsiuussinera, pisortat suliffeqarfiutaannik arlalinnik Nuummut nuutsitsinikkut Qeqqata Kommuniata eqqugaasimaneranut tapertaaginnarput. Taamaalilluni Greenland Venture Maniitsumit Nuummut nuunneqarnikuuvoq, Sisimiuni nutserisunngorniarfik byggeteknikerinngorniarfillu Sisimiunit Nuummut nuunneqarnikuupput, NaviAir-ilu Kangerlussuarmit Nuummut nuunneqarnikuulluni. 

- Nunanut tamanut ineriartuutaasumik nunani allani pisortat aningaasaliiffigisimasaat suliffeqarfiutaallu siammarteraat, nunatsinni illoqarfik ataasiinnaq ineriartortinniarneqarluni illoqarfimmi ataasiinnarmi ataatsimoortinniarneqarput. Tamanna kingunipiluttorujussuusussamik ineriartortitsineruvoq, tamanna pillugu Naalakkersuisut maanna nassuiaateqarnissaannik kissaateqarluni Hermann Berthelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER