Borgmesteri: Namminersorlutik Oqartussat inissiaataannut akisussaaffik uatsinnut tunniussiuk

Nuummi innuttaasut ukiumiit ukiumut amerliartortuarput, taamalu inissianik nioqquteqartarfik tatineqarluni. Tamanna eqqarsaatigalugu borgmester Charlotte Ludvigsen isumaqarpoq, namminersorlutik oqartussat inissiaataannut attartortittakkanut akisussaaffik kommuninut tunniunneqartariaqalersoq, Nuummiinnarmi inissiat inoqanngitsut 108-nik amerlassuseqarput

Charlotte Ludvigsenip piumasaraa namminersorlutik oqartussat inissiaataannik attartortittakkanik kommunimut tunniussinissamik isumaqatigiinniarnerit naammassineqassasut.

Ineqarnermut Naalakkersuisup Karl Frederik Danielsenip paragraf 37 naapertorlugu apeqqummut akissutaani atuarneqarsinnaavoq, inissiat inoqanngitsut maanna 108-nik amerlassuseqartut. Tassa imaappoq inissiat attartortittakkat taakkua atorneqanngillat iluarsaassineq, oqummut suliarinninneq, attartortikkuminaannerat imaluunniit iluarsaassinissamik isaterinissamilluunniit utaqqimaartoqarnera pissutigalugit.

- Inissiat inoqanngitsuq qanoq pinissaat pillugu oqallinneq sivisuallaamik ingerlanneqarsimavoq. Aalajangiisoqarnissaanut piffissanngorpoq. Illoqarfiup inissianik maannakkorpiaq amigaateqartup borgmesteriatut Namminersorlutik Oqartussat aalajangerumaataarnerat naammaginngilluinnarpara. Maannakkorpiaq iliuuseqartoqarnissaa pisariaqartipparput, borgmester Charlotte Ludvigsen, Kommuneqarfik Sermersooq, oqarpoq.

Taassuma Namminersorlutik Oqartussat inissiaatiminik attartortittakkanik kommuninut tunniussinissaa pillugu ukiuni kingullerni sisamani isumaqatigiinniartoqarsimanera innersuussutigaa. Kikkut tamarmik tunngaviatigut isumaqatigiipput, taamaakkarluartorli inaarutaasumik suli aalajangiisoqarsimanani.

Kingunipiloqartorujussuusoq

- Kommuneqarfik Sermersuumi inissaaleqinerup kingunipiloqartorujussuunera misigaarput. Ilaatigut angerlarsimaffeqanngitsut suliffeqarfiillu sulisussaminnik illoqarfimmut tikisitsisinnaannginnerat aqqutigalugu. Ajornartorsiut tamanna ilungersunartorujussuartut isumaqarfigaarput. Taamaammat 2019-imi pisortat inissiaataat nutaat 350-it atulerpavut, Charlotte Ludvigsen paasissutissiivoq, kommunimilu inissiaatileqatigiiffimmi Iserimmiinnaq pisortat inissiaataannut utaqqisutut allatsissimasut 2000-iunerat innersuussutigalugu.

Kommunip Namminersorlutik Oqartussat inissiaataat attartortittakkat akisussaaffigigaluarpagit inissiat inoqanngitsut 108-nik amerlassuseqalerfigisaannik kommunimi inissisimasoqalernavianngikkaluartoq borgmesterip ilimagilluinnarpaa.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS