Skip to main content

Borgmesteri: Mittarfiup inuussutissarsiorneq kivissavaa

Qaqortumi mittarfissap sanaartorneqalernerani nivariaqqaarnissaq Kujataani politikerit qilanaarivaat

- Suliniut sivisoorujussuarmik ingerlanneqarnikuuvoq, Kujataamiunullu assut nuannissaaq aappaagu nivariaqqaarneq piviusunngortinneqarpat, kommunalbestyrelsilu sinnerlugu assut iluarisimaarpara pisut aallartinnissaannut ukioq ataasiinnaanngormat.

Kommune Kujallermi borgmesteri Kiista P. Isaksen (S), tusagassiuutinut nalunaarummi taama oqarpoq.

Kommuni innuttaasullu 1500 meterimik mittarfiliornissap aappaagu aallartinnissaanut qilanaarput. Tassanilu kommunip neriuutigaa 'mittarfiup naammassineqarsimalereeruni inuiaqatigiit kiffartuussinnaanngussagai aammalumi nunarsuarmioqatit Kujataanut tikeraartut nunniffigilluartalerumaaraat.'

Atuaruk: Mittarfissat Namminersornerullutik Oqartussanut akisunerujussuussaaq

- Nuannaarutigaara oqallinnigut misigissutsinik annertuunik aallaavillit maanna qaangereerlugit ullumikkut suliniut katersuuffigilersimagatsigu. Isumaqarpunga mittarfittaarnitsigut inuussutissarsiutit ineriartortinneqarnerat annertusissasoq aammalu Kujataani suliffissat amerlanerit pilersinneqassasut, Kiista P. Isaksen erseqqissaavoq.

Taassuma qularutiginngilaa Kommune Kujallermiittut tamarmik aammalumi nunarput tamakkerlugui Qaqortoq mittarfittaarpat iluaqutissinneqassasoq.

- Angallannikkut ilaasunik kiffartuussinissamut isumaqatigiissutit akisoqisut ilai peerneqarsinnaalissapput aammalu mittarfittaassap toqqaannarnerusumik silaannakkut angallassisoqalerneratigut nunatsinni inuussutissatigut immitsinnut pilersornerulernissatsinnik periarfissarissaartinnerulissavaatigut, Kommune Kujallermi borgmesteri oqarpoq.

Atuaruk: Aningaasaqarnermut Siunnersuisoqatigiit mittarfissanut misissueqqissaarnerit amigaatigaat

Kommune Kujalliup tungaanit mittarfissap 1500 meteriunissaanik pilersaarut siunissamut qularnaatsutut nalilernikuuaa, pisariaqartitsineq naapertorlugu mittarfiup takissusaa 1799 meterinngortinneqarsinnaajumaartoq.

Ataatsimut tamakkiisumillu isiginnilluni Kommune Kujallermi kommunalbestyrelsimi ilaasortat ataatsimoorlutik pilersaarummut kommune sutigut tapertaasinnnaanersoq nalilersorpaat, sanaartornerup nalaa aammalu sanaartoreernermi ingerlatsinerup nalaa eqqarsaatigalugit.

- Tassa Kommune Kujalleq tamarmi, politikkikkut aammalu allaffissornikkut ingerlatsinermini Kalaallit Airportsimik aammalu Naalakkersuisunik sukumiinerusumik suleqateqarnissaminut piareersimalluarpoq, Kommune Kujallermit tamanna nalunaarutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER