Skip to main content

Borgmesteri akerliussutsimik takutisisoqareersoq: Innuttaasunut paasissutissiisarneq nukittorsassavarput

Kommuni Kujallermi borgmesteri Kiista P. Isaksen (S), kommunimi innuttaasut piffissami kingullermi naammagittaalliorlutik akerliussutsimik takutitsisarnerannut maanna qisuariarpoq.

Kommuni Kujallermi kommunalbestyrelsimut akerliussutsimik takutitsinerit pingasut piffissami kingullermi ingerlanneqarsimarpput, innuttaasut peqataatinneqarnerunissamik kiisalu kommunip innuttaasullu akornanni suleqatigiittoqarnissaanik ujartuismapput.

Borgmesterip Kiista P. Isaksenip (S) kommunimilu pisortap Kim Dahlip ammasumik allagaqarnerminni allappaat, oqariartuutigineqartut tusaaneqarsimasut, kommunimiillu suliat innuttaasunut paasissutissiissutiginissaat nukittorsarniarlugu siunissamut suliniuteqartoqartoq.

- Matumani paasissutissiisarnerup nukittunerulernissaa siunniussaavoq, kommunimilu ilaasortat innuttaasunik naapeqateqarsinnaanissaannut oqaloqatigineqarnissaannullu tunngatillugu tamanut ammatitsisarnissat (åbenthus) siunissami aggersumi pilersaarutigaarput, borgmesteri ammasumik allagaqarnermi erseqqissaavoq.

Oqartussaaqataanermik ataqqinninneq

Borgmesterilli erseqqissaatigaa, oqartussaaqataaneq ataqqineqartariaqartoq, 'innuttaasut sinnerlugit aalajangiisoqartarmat', nammineerluni oqarneratut:

- Qinigaaffimmi uani massakkut ingerlasumi Siumut anguniagai tunaartaralugit pingaartillugillu ingerlatsisoqarpoq, taamaakkaluartorli kommunalbestyrelsimi ilaasortanit tamanit siunnersuutigineqartut inissaqartinneqartuaannarput. Qanimut oqartussaaqataaneq nukittorsarlugu inatsisitigut aalajangersakkamik aammalu illersukkamik najukkami ataatsimiititaliat pilersinneqarnikuupput, qinersisinnaatitaasut tamarmik sassarfigisinnaassaannik. Taakkulu aamma kommunalbestyrelsimi ilaasortaasunut siunnersuisarlutik, taamaammat tamat oqartussaaqataanerat ataqqilluinnarlugu ingerlatsisoqarpoq.

- Erseqqissaatigeqqissavarpulli suliat inunnut ataasiakkaanut tunngasut inatsisit atuuttut malillugit oqaaseqarsinnaatitaannginneq ataqqilluinnaratsigu, inatsisillu atuuttut aallaavigalugit uneeqqarissumik sulisoqarnissaa pingaartilluinnarlugu ingerlatsisoqarmat, Kiista P. Isaksen oqarpoq.

Oqaloqateqarnissamut ammasuuneq

Oqaatigaa innuttaasut kommunmut oqaloqatiginnikkiartorlutik saaffiginnissinnaasut.

- Kommunimit inuiaqatigiinnut kikkunnulluunniit nipangersaaneq atugarinngilarput, inuiaqatigiillu kommunip ineriartornissaanut suleqataarusuttut qujanartaqimmata, suleqataarusunnersi nuannaarutissaavoq, Kiista P. Isaksen Kim Dahlilu oqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER