aatsitassat

Borgmesteri: Aatsitassarsiornermik suliniut aallartinniarsiuk

Kommune Kujallermi suliffissanik amigaateqartoqarpoq kommunilu qimallugu nutserartorpassuaqarluni. Borgmester Kiista P. Isaksenip paasisinnaanngilaa, sooq Namminersorlutik Oqartussanit Tanbreezimik suliniut aallartikkumaneqannginnersoq

– Vi venter stadig på vor licens, men vi har en god dialog med naalakkersuisoq for råstoffer, Múte B. Egede (IA), så vi håber, der snart kommer et gennembrud i vor sag, siger Greg Barnes om Tanbreez-mineprojektet.

Tanbreezip suliniutaa uninngaannarpoq. Sivisuumillu uninngaannarsimalluni.

Sermitsiaq taama allaaserisaqarpoq.

Tanbreezip pisortaa Australiamiu Greg Barnes, Kalaallit Nunaanni allaffissornerup qalluilernissamut akuersissummik qinnuteqaatiminik suliami paamaarussineranik arlaleriarluni kipiluttusorujussuunerminik ersersitsisarsimavoq. Maannamut misissueqqissaarnernik ingerlatanut 320 millioner koruunit sinnerlugit aningaasaliissuteqarsimavoq, koruunimilli ataasiinnarmilluunniit utertitaqarsimanani. Kisianni suli neriuuteqarpoq.

Kommuni tapersersuivoq
– Akuersissummik tunineqarnissarput suli utaqqivarput, kisianni Aatsitassanut Naalakkersuisoq, Múte B. Egede (IA), oqaloqatigilluarparput, taamaattumillu suliamut uatsinnut tunngasumi ungasinngitsukkut pisoqalersinnaanissaanik neriuuteqarluta, Greg Barnes oqarpoq.

Aatsitassanut Pisortaqarfik naapertorlugu, suliap sivisuumik ingerlanneqarsimaneranut pissutaasoq tassaavoq, qinnuteqaatip amigaateqarsimanera, ilaatigut suliffeqarfik aatsitassanik qaqutigoortunik siullermik ilimagineqartunit pingasoriaammik annertunerusunik qallerusummat. Maanna kommunimi aatsitassanut siunnersorti, Ole Christiansen aamma borgmester Kiista P. Isaksen (S), suliap ingerlatinniarsarilerpaat.

– Kommune Kujalliup Tanbreezip suliniutaa tapersersorlugulu upperaa. Ilisimavarput suliffeqarfik 2013-imiilli aallartinnissaminut piareersimasimagaluartoq, kisianni pissutsit ilisimasaqarfiginngisavut tunngavigalugit suliffeqarfik aatsitassanik qalluilluni suli aallartissimanngilaq. Tamanna soorunami ajuusaarutigaarput, isumaqaratta suliffeqarfiup aallartissinnaalernissaanut akuersissutiginnittoqartariaannaasoq. Kujataani aatsitassarsiornerup aallartinnissaa pingaaruteqartorujussuuvoq, Kujataanuinnaanngitsoq, kisianni nunatsinnut tamarmut. Naalakkersuisunut suliniummut tapersersuinerput ersersissimavarput, siunnersorlugillu aallartittoqarnissaa akuersissutigeqqullugu, Kiista P. Isaksen oqarpoq.

Allaaserisaq tamaat Sermitsiami saqqummersumi kingullermi atuaruk, taanna uani ataani digitaliusoq akiliillutit atuarsinnaavat:

Powered by Labrador CMS