Bolatta Silis-Høeghip atuakkiiaa assiliartalersugaq nersornaaserneqarnissamut innersuunneqartoq
Nunani avannarlerni atuakkiat assiliartalersukkat, inuusuttunut oqaluttualiat siunissamilu pisimasutut oqaluttualiat 14-it Nunat Avannarliit Killiit Meeqqanut Inuusuttunullu atuakkianut nersornaasiuttagaanik nersornaaserneqartussatut innersuunneqarsimapput.
Bolatta Silis-Høeghip atuakkiaa assiliartalersugaq 'Aima Qaqqap Arnaalu' Nunat Avannarliit Killiit Meeqqanut Inuusuttunullu atuakkianut nersornaasiuttagaanik nersornaaserneqartussatut innersuunneqarsimavoq.
Tamanna tusagassiorfinnut nalunaarummi atuarneqarsinnaavoq.
Meeqqanut sisamaniik arfineq-pingasunut ukiulinnut atuakkiaq nammineerusussutsimut, inerteqqutaasunik iliuuseqarsimanermi annilaajallattarnermut aamma aanaamit nukatsinneqarnermik piffissamillu puigorluinnartarnermik nuannarinnittartarnermut tunngassuteqarpoq, atuakkiaq aamma danskisuunngorlugu nutserneqarsimavoq.
Kujataa isumassarsiorfigisimagaa
- Assiliartaliunneqarsimasut imilersarissanik qalipagaapput, assilisaallutik qiortakkaneersuullutillu, assiliartaliunneqarsimasullu eqqumiikajaamik oqaasertaliunneqarsimasunut naapertuulluinnartut ilisimatitsissutigineqarpoq.
Bolatta Silis-Høegh Kalaallit Nunaanni assilialiortartutut ilisimaneqarluartuuvoq, qujanartumillu Kujataani meeraanermini silarsuarisimasani suli attappaa, silarsuarisimasani niviarsiaraq Aima pillugu eqqumiikajaamik oqaluttualiornerminut isumassarsiorfigisimavaa.
Video takuuk: