Skip to main content

Bolatta Silis-Høeghip urani pillugu saqqummersitsinini Narsami ammarpaa

Qalipakkanik saqqummersitsineq Lights On - Light Off, Københavnimi Nuummilu takutinneqareersimasoq, maanna Narsami, saqqummersitani pineqartumi, ammarneqarpoq

Inuppaaluit Narsarmiut Qaqortormiullu 50-it missaanniittut Bolatta Silis-Høeghip eqqumiitsuliaanik tusaamaneqalersimasunik takuniaapput eqqumiitsuliortorlu ilassillugu.

Bolatta Silis-Høegh qalipakkani pillugit, sunalu pillugu sanasimanerannik, killisimaarnartorujussuarmik oqalugiarpoq ersaattaanneqaatigeqisaminik. Kingorna suut tamarmik uniimimmata Bolatta Silis-Høegh aperaara qanoq isumaqarnersoq saqqummersitsinermi suna pitsaanerpaanersoq.

Qalipakkat oqallissaarutaapput

– Tamanna akiuminaappoq. Københavnimi saqqummersitsineq misigisaq angisoorujussuusimavoq, Narsamili allaanerulluinnarpoq, nalugakkkumi innuttaasut saqqummersitat qanoq isumaqarfigissaneraat, eqqumiitsuliortoq oqarpoq.

Nangipporlu:
– Qalipakkakka aqqutigalugit oqallissaareqataarusuppunga. Uanga innuttaasullu piiaaffissaq ilisimasaqarfigivallaanngilarput. Apeqqutissat amerlaqaat, allanillu periarfissaqarnerluni, ilanngullugulu paasissutissanik kalaallisuunik peqanngingajappoq. Tamanna pissutigalugu suli ernumanerulerpunga.

– Isumaqarpunga iluanaarniapallanniartoqartoq. Uagulli qitornatta, ernutatta ernutaqqiutittalu mingutsitsinerup kinguneri akilissavaat, taamatullu iliorfigisinnaanngilavut, taanna oqarpoq.

Isumakulunneq kamannerlu

Aperiganni qalipakkani qanoq isumassarsiffigisimanerai, Bolatta oqarpoq aatsitassanik uranimik akulinnik piiaanissamut akuersaanngilluinnarneq inatsisartut atorunnaarsikkaat tusaramiuk aallaqqaammut kamassimalluni. Unneqqarissumik, isertuanngitsumillu eqqumiitsuliat pilersippakka, isumakuluutikka kamanneralu aallaavigalugit, taanna naggasiivoq.

Bolatta Silis-Høeghip saqqummersitai aviisimi takullugit allaavoq, qalipakkalli saavanni misigisassamik inuit imminnut misigisaqartittariaqarput.

Taamaasiorsinnaapput oktobarip aappaata tungaanut, Narsami katersugaasiviup illutaani A21-mi.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER