københavn
Bolatta Silis-Høeghip saqqummersitaani nutaami silarlunneq kisimi sammineqanngilaq
Bolatta Silis-Høeghip kisimiilluni saqqqummersitsinera nutaaq taaguuteqarpoq ´Storm´, saqqummersitsinerullu novembarip 7-aanni Nordatlantens Bryggemi ammarnersiorneqarnerani Sermitsiaq.AG najuuppoq
Kingullermik saqqummersitsinera taaguuteqarpoq ´Lights on Lights off´, taannalu Kastrupimi, Nuummi Narsamilu takutinneqarpoq. Saqqummersitsinermini tassani uranimut politikkimut kamammini, assuarlernini pakatsininilu takutippai.
Bolatta Silis-Høeghip saqqummersitsinerani nutaami pineqarpoq imminut saqqummersinneq.
Qalipaatit asinganerusut
Saqqummersitamini kingullerni qalipaasoq imminut qalipattarsimavoq, takunnittorlu namminerpiaq inuttut takutitassanik takutitsiffigalugu. Saqqummersitaani nutaami ´Storm´, qalipaatit sakkortuut aappalaartut atorneqanngillat, qalipaatillu qasertoorpasissut atugaanerullutik.
Saqqummersitami Silis-Høeghip isumaasa ilumigullu eqqarsaataasa isumaliutigeqqissaarneqarsinnaapput. Saqqummersitsinermilu ´Storm´silarluk kisimi pineqanngilaq, saqqummersitsinermi pineqarpoq pakatsinerit anninneqarsimanngitsut saqqummersinnissaat.
Saqqummersitsinermik ´Storm´takuniaasoq imminut tunniutiinnassaaq. Tassani isummat aserujassusiat saqqummersinneqarpoq, kalaallit eqqumiitsuliortut ikittuinnaat, Bolatta Silis-Høeghitut sapinngisaat.
Saqqummersitat Københavnimi Atlantens Bryggemi 2016-imi februaarip 14-iata tungaanut takuniarneqarsinnaapput.