Island Games
Bodtennis-ertartut bronze-nanniassapput
Kalaallit Nunaata Island Gamesimi medalje siulleq pissarsiarisinnaavaa
Kalaallit bordtennis-ertartut Island Gamesimi, Jerseymi ingerlanneqartumi, naatsorsuutigisamit ingerlalluarnerupput.
Tassami holdikkaarluni unamminermi ullumi marlunngornermi bronze-nanniarlutik unammissapput.
Taamaasilluni Kalaallit Nunaata qeqertaararmiut unammiuaarnersuanni medalje siulleq pissarsiarisinnaavaa.
Semifinalimi unamminermi Gotlandimut ajorsarput. Bronze-nanniunnermi Åland unammissavaat.
– Sukalasoorujussuusimavugut. Kalaallit unammisartut unammilluarput tamaviaarluarlutillu. Semifinalimi ajugaasinnaalluta upperisimagaluarparput. Ajoraluartumilli sukalanerit naapippavut, nunanut allanut unammisartut sungiusaasuat Tommy Jørgensen Sermitsiaq.AG-mut oqarpoq.
Bronze-nanniunnissaq ajornakusoortoq
– Imminut tatigineq tigoqqissavarput, upperissavarpullu Åland ajugaaffigisinnaallutigu. Ajugaaffigisinnaavarpummi, unammineq Gotlandimut unamminertut ajornakusoortigissagaluartoq, nunanut allanut unammisartut sungiusaasuat oqarpoq.
Taassuma upperaa holdi medalje-nassinnaasoq.
– Bronze-nanniunnermi tamaviaarluassaagut. Bronze-nakkusoqaagut, Tommy Jørgensen oqarpoq.