Skip to main content

Bloktilskudip annikillineqarnissaa Atassummit kissaatigineqanngilaq

Inuit Ataqatigiinnit siunnersuutigineqartoq piviusorsiunngitsuusoq Atassummit oqariartuutigineqarpoq

Siumut Demokraatillu siulliullutik itigartitsipput. Atassut aamma maannakkut itigartitsivoq.

Bloktilskudip ukiumut 10 million koruuninik annikillineqartalernissaanik Inuit Ataqatigiinnit siunnersuutigineqartoq taamasilluni naalakkersuisooqatigiinnit tapersersorneqanngilaq.

Ukiortaami oqalugiaat
Bloktilskudinnattarnerup oqallisigineqarnissaa Inuit Ataqatigiinnit kissaatigineqarpoq, naak aningaasaqarnikkut isertitsissutaasunik ersiuteqanngikkaluartoq.

Siunnersuut piviusorsiunngitsuusoq Atassummit oqariartuutigineqarpoq.

Aningaasammi Kalaallit Nunaanni naleerukkiartornerat pissutigisaannik ukiut tamaasa bloktilskudikkut aningaasat tiguneqartut 50 million koruuninik annikilleriartartut Atassummit Steen Lynge oqaatigineqarpoq.

Aningaasaqarneq
Bloktilskudisisarnerup annikillineqarnissaanik siunnersuuteqarnermi qanoq aningaasanik isaatitsisoqartalissanersoq Atassummit paaserusunneqarpoq.

Neqinik naatitanillu pilersuinerup pitsaanerulernissaa Inuit Ataqatigiinnit ilaatigut siunnersuutigineqarpoq. Pilersuineq taamaattoq aningaasanik isaatitsiffiunngilaq.

- Assersuutigalugu inuiaqatigiit savamik ataatsimik ilivitsumik pilersuinissamut 1.000 koruuninik aningaasartuuteqartarput, taamaakkaluartoq pisiniarfinni 900 koruunilerlugu tuniniarneqartarpoq. Nunamit allamit sava ilivitsoq tikisitaq 1.000 koruuni ataatingaatsiarlugu naleqartarpoq, Steen Lynge naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER