blog og debat
Blogger: Tulluusimaarutissaqarpugut
Sermitsiaq.AG-p bloggertartuata Juaaka Lyberthip kikkut tamaasa kajumissaarpai inuiattut ullorsiornermi tulluusimaaqqullugit
– Juunip 21-anni Kalaallit Nunaat nalliussigaangatsigu tulluusimaarutigisariaqarpavut inuiattut naalagaaffittullu angusimasavut. Isumaqatigiinnginnissamut isornartorsiuinissamullu inissaqassaaq. Aamma anguniagalimmik oqaloqatigiinnissamut, paaseqatigiinnissamut ataqqeqatigiinnissamullu inissaqassaaq. Taamaallaat ataatsimoornitsigut angusaqarnerusinnaavugut. Ikeqigatta immitsinnut pinngitsoorsinnaanngilagut. Nunami maani alianaatsorsuarmi, Kalaallit Nunaanni, inuusugut, - qanorluunniit inuiaassuseqarutta aammalu kulturikkut oqaatsitigullu tunuliaqutaqarutta - nuna sullittariaqarparput immitsinnullu ikiorluta.
– Kinaassusera, kingoqqiffikka, kulturera akusaq tulluusimaarutigaakka. Inuiaassusera tulluusimaarutigaara, inuiaqatigiissutsimik pingaartitsivallaanngikkaluarlunga. Nammaqataarusuppunga allanullu paasinninnera ataqqinninneralu takutikkusullugu. Immaqa uppiasuuvunga, kisimiikkunanngilangali. Allarpassuaqarunarpoq uattut eqqarsartunik. Kalaallit Nunaata inuiattut ullorsiornerani kikkut tamassi pilluaritsi!
Taamatut ilaatigut bloggimi ilanngussamini nutaami allappoq Sermitsiaq.AG-p bloggertartua Juaaka Lyberth, sammillugulu naalagaaffimmut atasuuneaq, nassuiarlugulu FN-p nunap inuiinut isumaa sooq Kalaallit Nunaata qimakkiartoraa.
juaaka Lyberthip allallu bloggimi ilanngussaat tamaasa atuakkit uani