blog og debat
Bloggertoq: Hashi naaggaaruk - hasheerniarneq naaggaaruk
Sermitsiaq.AG-p bloggertartuata Randi Nuka Vestergaard Evaldsenip kikkunnut tamanut kajumissaarutigaa hashimik ajornartorsiutinut akiuiniaqataaqqullugit
– Hashitorneq akuersaassanngilarput, inuiattullu hashitornerujussuaq akiorniassavarput. Ataatsimoorluta illoqarfitsinni hashimik tuniniaasartut unitsinniassavagut. Politiit kisimiillutik hashimik tuniniaasut akiorniarsinnaanagillu unitsinniarsinnaanngilaat. Nipangersimaannaraluarutta politiit tamakkiisumik paasiniaanngisaannassapput hasheerniartullu unitsinnissaannut uppernarsaatissaqassanatik.
Taamatut bloggimi nutaamik ilanngussamini allappoq Sermitsiaq.AG-p bloggertartua Randi Nuka Vestergaard Evaldsen, tassanilu sammivai haship inunnut, ataatsimullu isigalugu inuiaqatigiinnut tamanut, kinguneqarnerlutsitsisarnera.
– Akuerineqarsinnaanngilaq hasheerniartartut aanngajaarniutinik inuiaqatigiit aserortermatigit, hashiinnaanngillallu. Nunami maani ikiaroornartoqarpoq allanik. Ataatsimoorluta inuiaqatigiit nukittunerulersitsigit - tamannamiuna anguniaripput, ilaa?, ullumi bloggimi ilanngussamini ilaatigut allappoq, taannalu atuarsinnaavat uani.