Blogger: Qinngasaarisarneq imatut akiorneqassaaq

– Meeqqat inersimasullu akunnanni qinngasaarisarneq nalinginnaasumik ajornartorsiutaavoq. Ilaat akiuillaqqinnerupput, ilaasali iluminnut toqquinnartarlugu. Qinngasaarineq sumi tamaani naammattuugassaavoq, paaqqinnittarfinni suliffeqarfinnilu. Assersuutigalugu klassimi inuiaqatigiinniluunniit sanngiinnerit qinngasaarneqarnerusarput. Kikkulli qinngasaarinermut akisussaasuuppat? Tassaappat paaqqinnittarfiit (pisortanit ingerlanneqartut), imaluunniit angajoqqaat? Aammalu kamassaarinerup qinngasaarinerullu suna assigiinngissutigaat?
Taamatut bloggimini nutaami aperivoq Sermitsiaq.AG-p bloggertartua Randi Nuka Vestergaard Evaldsen.
– Qinngasaarisarneq akiorneqassaaq. Arlaannaataluunniit qinngasaarnissaanut pissutissaqanngilaq. Tamanna eqqortuunngilaq. Iliuuseqartoqassaaq, sallersaatillugulu ilissi angajoqqaatut akisussaaffigaarsi qitornasi perorsassallugit suna eqqortuunersoq sunalu eqqunngitsuunersoq. Atuarfiit, paaqqinnittarfiit pisortallu angajoqqaat suleqatigissavaat meeqqat paasitinniarlugit qinngasaarineq sunaanersoq, tamannalu meeqqamut qinngasaarneqartumut qanoq kinguneqartarnersoq, Randi Nuka Vestergaard Evaldsen allappoq.
Oqaatsit marluk atorlugit bloggimi ilanngussaa tamaat atuaruk uani