blog og debat
Blogger: Naalagaaffiup inatsisit tunngavigalugit naalakkersorneqartup atorunnaarsinnissaanut Partii Inuit aqqutaa
Sermitsiaq.AG-p bloggertartuata Henrik Lund-Andersenip tupigusuutigaa Partii Inuit suli ´kukkuluttortuarmat´
– Tamat oqartussaaqataanerannik uppiginnittumut ernumanartorujussuuvoq takullugu Partii Inuit siulittaasuata Nikku Olsenp suli kukkuluttortuarnera, politikkip silarsuaani naalagaaffiup inatsisit tunngavigalugit naalakkersorneqartup oqartussaaqataasumik inatsiseqarnikkut tunngaviit saneqqutaarniarnerat eqqarsaatigalugu.
Taamatut bloggimi ilanngussamini kingullermi allappoq Sermitsiaq.AG-p bloggertartua Henrik Lund-Andersen, Partii Inuit ukiakkut ataatsimiinnermut ingerlasumut oqaluuserisassatut siunnersuutaanit 16-init 12-it Inatsisartut Siulittaasoqarfiannit itigartinneqarnerisa kingorna.
– Immaqa partiimut utoqqatsissutigineqarsinnaavoq nutaajunera misilittagakinneralu, siunnersuutilli eqqumiitsut arlallit partiillu politikkimi anguniagai eqqarsaatigalugit ilimanarneruvoq partiip tamat oqartussaaqataanerat paasisimanngikkaa - imaluunniit malittarisassat malikkumanngikkai, partiip ´eqqumiitsuliortutut kiffaanngissuseqarneranik´ killiliisut. Politikkikkut pingaartitanik pisussaaffeqanngitsumik saqqummiuneq takusimallugu imminut oqarfigisariaqarpoq ingerlatseriaaseq minnerpaamik piumasaqarfigineqanngitsoq inatsisaatsuunermut toqqaannartumik aqqutissaasoq. Inatsisaatsuunerlu Kalaallit Nunaata atorfissaqartinngilluinnarpaa.
Henrik Lund-Andersenip bloggia tamaat atuaruk uani