Bloggeri: Kinap oqaatiginngisai soqutiginarput

Kinap Issittumut suleriusissiani saqqummiuppaa januaarip naanerani. Nunarsuup kitaamiuisa soqutigisaat naapertorlugit allataavoq.

Issittup eqqissisimatinneqarnissaa ilaatigut pingaartinneqarpoq. Suleqatigiinnissaq qitiusumik ataqqeqatigiinnissamillu oqariartuuteqartoqarluni.

Nordvestpassagiakkut angalaneq aamma neriuutigineqarluarpoq. Umiarsuakkut angallattoqalernissaa Kinamit pingaartinneqarluni oqariartuutigineqareermat, nutaarsiassartaqanngilaq.

Kiniiserisut paasisinnaanngitsunut isumaliutersuut allanneqarsimasoq bloggeri Jichang Lulu allappoq. Suleriusissami taakkartorneqanngitsut maluginiarneqartariaqartut isumaqarpoq.

Kinap aqutsisuisa avammut allattariaasiat ilisimasaqarluarfigaa.

- Nordvestpassage pillugu isumaliutersuutaat ilanngunneqarnera tunngaveqarpoq. Aaqqiagiinngittoqalernissaa Kinamit kissaatigineqarpoq, Jichang Lulu allappoq.

Kinalli avannaani qaammataasakkulli nakkutiginninnerulernissaq kissaatigineqarpoq. Kalaallit Nunaanni qaammataasakkut immikkoortortaqarfimmik Kina pilersitsiniarnera Sermitsiaq.AG-mit allaaserineqareerpoq. Tassani ilisimatuussutsikkut qaammataasatigut Kinap misissuivia, Beidou-2, atorneqaleratarsinnaavoq.

Kina assingusumik Sverigemi Kirunami peqareerpoq, Kalaallit Nunaannilu taamaattumik misissuiffeqalernissaq ineriartornerussaaq.

Kinallu Issittumi suleriusissiani nunanut allanut maluginiaqqusaarnerusoq Lulup nalilerpaa.

Jichang Lulu kinaassutsiminik isertuussisuuvoq, bloggeriulluni.