Skip to main content

Black Friday: Nuuk Centerimi niuffannersuaq

Nunani assigiinngitsuni niuertarfiit akikillileerrapput - Nuummi aamma assinganik akikilliliisoqarpoq

Black Friday-eqarnerani Nuuk Centerimi niuertarfiit akikillilisorsuupput. Nuuk Centerimi pisiniat amerlapput, biilit inissinnissaat ajornarluni.

Black Friday atuartartunit qanoq isumaqarfigineqarnersoq aperaagut.

Leiff Josefsen

Miilu Frederiksen:

- Pisiniarfiit akikilliliinerat pitsaaqaaq. Atisarsillungalu elektronikkinut atortunik pisissamaarpunga. Pisiassat pisiariumaneqarpiarneq ajortut tunineqarnissaannut una pisiniarfinnut iluaqutaassagunarpoq.

Leiff Josefsen

Angerlartunnguaq Mølgaard:

- Iluartorujussuuvoq, taamaasillunga juullimut akikinnerusunik pisiniarnissamut periarfissaqarlualerpunga. Meeqqannuunerusoq pisissaanga. Aningaasanik sipaarnerussaanga taavalu piffissaq kingulleq atorlugu taamaallaat juullimut pisiniassanngilanga.

Leiff Josefsen

Søren Hald Møller: 

- Inuit pisiassanik akikinnerusunik pisisinnaalernerat ajunngilluinnarpoq. Taamaattoq una isummersorfigineqarsinnaavoq, tassami USA-mi atugarineqartoq maanga nuutsinneqarpoq, sorpassuit tuniniarneqarlutik. Annertunerusumik pisinissara naatsorsuutiginngilara, taamaattoq neqeroorutitsialammik siumuissaguma i,aassinnaasoq pisilaartunga.

Leiff Josefsen

Ejnar Jensen:

- Ajunngilluinnarpoq. Neqeroorutit amerlammata qinigassat amerlanerulerput. Akikilliliineq atorlualereerparput, juullimut tunniussassanik aamma illutsinni amigaatitsinnik pisissamaarpunga. Qaammatit pingasukkaarlugit assinganik akikilliliisoqartarsinnaasuuppat ajussanngikkaluaqaaq.

Leiff Josefsen

Atangana Olsen:

- Black Friday ilaqutariiulluta atugarinngilarput. Ilumut akikilliliisoqarpiartarnersoq upperivallaanngilara. Panitta inuuissiornissaanut pisiniarpugut, taamaattoq pisivallaarnaveersaarluta. Inuit pisariaqartinngisaminnik pisisartut amerlapput. Taamaattoq una atorlualaarparput, kisianni sipaarluta pisissaagut ilinniartuinnaagatta. Maannakkut eqqartorneqartartorujussuuvoq nunarsuarput paarilluassagipput, taamaattumik atuivallaarneq navianalaarpoq - soorlu maannakkut. Black Friday ingasappallaalaartoq isumaqarpunga.

Nuummi ilaqutariinnut meeraaraatilinnut naartusunullu najugaqarfiutigalugu katsorsaanermik neqerooruteqartarfik nutaaq
Najugaqarfiutigalugu katsorsaanermik neqerooruteqartarfimmi ilaqutariit toqqissisimasumik avatangiiseqarnissaat meeqqallu ineriartornerata atugarissaarnissaatalu qitiutinnissaa pingaartinneqarpoq
Sermiligaami nunaqarfiup orpia kiisami ikinneqartoq
Sermiligaami silarlunnera peqqutaalluni pilersaarut malillugu orpik ikinneqanngitsoorpoq. Silali qatsuunnartoq nunaqarfimmi innuttaasut orpiup ikinnera nalliuttorsiutigaat.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER