Biskoppimut qineqqusaarnermi soraarummeerusiami peqquserluttoqarsimaneranik pasilliuteqartoqartoq

Biskoppip allaffia biskoppimik nutaamik qinersinermut akuliuppoq – Ilisimatusarfik pasilliumut akerliliivoq.

Biskoppeqarfiup Paneeraq Siegstad Munk bacheloriliorluni misilitsinnermini peqquserlussimasutut pasillerpaa. Pasilliutit peqqutissaqanngitsut, Ilisimatusarfik ilisimatitsivoq.

Ilisimatusarfiup rektoria, Gitte Adler Reimer, bachelorinngorniummi ukiunik 20-nik pisoqaassuseqartumi, taamani upperisarsiornermik ilinniagaqartup Paneeraq Siegstad Munkip, Ilisimatusarfimmut 2000-imi tunniussimasaani, assiliisoqarsimaneranik pasilliummut, akerliliivoq.

Taamaalilluni soraarummeerusiami peqquserluttoqarsimaneranik pasilliut Paneeraq Siegstad Munkimut, ullumikkut Kujataani provstiusumut, kinguneqartinneqassanngilaq.

Aviisi Sermitsiaq taama allappoq.

Pasilliut biskoppip allaffianeersuuvoq, tassanngalu Ilisimatusarfimmut allakkani aggustip 10-aneersuni Paneeraq Siegstad Munik peqquserlunnikkut bachelorinngorsimasutut pasillerneqarluni.

Pasilliut septembarip 2-ani biskoppimut qinersinissap tungaanut naggataasersorneq nalerorlugu saqqummiunneqarpoq. Qinersinermi tassani Paneeraq Siegstad Munk qinigassanngortittut sisamaasut akornanniippoq.

Ilinniagartuutut suliassat naammassineqarsimannginnerannik pasilliut ilungersunartorujussuuvoq, ilinniagartuutut taaguummik peqquserlunnermut atatillugu pissarsiarineqarsimasumik annaasaqarnermik kinguneqarsinnaasoq. Taamatut iliuuseqarfiginninneq Paneeraq Siegstad Munkimut ajorluinnartumik kinguneqarsimasinnaagaluarpoq, bacheloritut gradimi annaasaqarneq taassuma biskoppimut qinigassanngortissinnaannginneranik isumaqassagaluarmat. Namminersorlutik Oqartussat biskoppimut qinersisarneq pillugu nalunaarutaat naapertorlugu, qinigassanngortissinnaassagaanni Ilisimatusarfimmit bacheloreqarneq tunngavissanut ilaavoq.

-Assiliisoqarsimaneranik tunngavissalimmik pasitsaassisoqarsimanngilaq, Rektor Gitte Adler Reimer oqarpoq.

Rektorimut allakkat

Biskoppip allaffia bachelorinngorniutitut allaaserisap tunniunneqarneraniit ukiut 20-t qaangiunneranni Ilisimatusarfimmut kaammattuutaanngitsumik allakkani ima allappoq:

–Paneeraq Siegstad Munkip bachelorinngorniutitut allaaserisaa assiliisoqarsimasinnaanera pillugu misissortariaqarsimavarput.

Aviisip biskopimut qinigassanngortittoq Paneeraq Munk Siegstad:

- Biskoppimut qinersinissaq sunnerniarlugu tusaamanerlugaatitseriarneruvoq, Paneeraq Siegstad Munk aviisimut Sermitsiamut oqarpoq.

Pisoq pillugu aamma biskop Sofie Petersenip akissutaa aviisimi Sermitsiami atuarnerusinnaavutit. Aviisi uani pissarsiariuk:

Powered by Labrador CMS