Toqutsisimasumik suliassaq
Birna pillugu suliaq kinguartinneqassasoq
Birna Brjánsdóttir-imik toqutsisimasutut unnerluutigineqartup apersorneqarnissaata kinguartinneqarsinnaariaannaavoq, tamatumani pinerlussimanermi nakorsat paasiniaanermi nalilersuineri kinguaattoorfiummat.
Birna Brjánsdóttir-imik toqutsisimasutut unnerluutigineqartoq 30-inik ukiullip apersorneqarnissaa kinguartinneqaratarsinnaavoq.
Taama allappoq Iceland Monitor.
Pilersaarutigineqartut najoqqutaralugit eqqartuussinerup ulluani siullermili apersuineq ingerlanneqareersimasussaagaluarpoq, apersuinerli kinguartinneqaratarsinnaavoq. Tamatumunnga peqqutaalluni immikkut ilisimasalik tysk-ip pinerlussimanermi nakorsat paasiniaanermi ingerlanneqartuni nalilersuinera kinguaattoorfiummat.
Nalunaarusiaq marlunngorpat piareerneqarsimanngippat suliassap ingerlanneqarnerani piffissaliussat ataatsimut isigalugit ajornartoorfiuleriaannaapput. Sapaatip akunnerata naareerneratali kingorna pilersaarusiornermi piffissaliussat erseqqarinnerusut saqqummiussinnaassallugit unnerluussisussaatitaasumit oqaatigineqarpoq.
Polar Nanoq-mili inuttaasut sinneri marlunngorpat ilisimannittutut sassartinneqassasut inissinneqareerpoq. Piffissamimi sivikittuinnarmi Island-imiissapput, taamaammallu apersorneqarnissaat kinguartinneqarsinnaanani.
30-inik ukiulik januaarimili parnaarussivimmi paarineqalerpoq.
Angutip pineqartup inussat ipaasaai Birna Brjánsdóttirs-ip biilernermut allagartaani nassaarineqarput, soorluttaarlu angutip pineqartup qaavatigut atisaani Birna Brjánsdóttirs-ip aavanik takussutissaqarsimasoq. Angut pineqartoq biilinik attartortakkanik attartukkaminut niviarsiaq inuusuttoq pineqartoq ikitissimallugu nassuerutigaa, toqunneqarneranili pinngitsuunerarluni.