Skip to main content

Birna pillugu suliami unnerluussisoq ukiuni 18-ini paarnaarussaaqqusivoq

30-nik ukiulimmut unnerluunneqartumut uppernarsaatit qularnanngitsut, unnerluussisoq Kolbrún Benediktsdóttir isumaqarpoq

Unnerluunneqartoq T ukiuni 18-ini paarnaarussaassasoq, unnerluussisoq Kolbrún Benediktsdóttir piumasaqarpoq.

Birna Brjánsdóttirip toqunneranut ukiut 16-it pineqaatissiissutitut eqqortuusasoq isumaqarpoq, ikiaroornartumillu tuniniaanermut ukiut marluk ilanngunneqartariaqalutik:

- Ukiuni 18-ini paarnaarussaanissaa sivikippoq, Kolbrún Benediktsdóttir, mbl.is naapertorlugu oqarpoq.

T-p nassuiaateqarnera ataqatigiinngitsoq, taanna isumaqarpoq. Teknikkikkut uppernarsaatinik taakku akerlilerneqartut isumaqarpoq.

T-p nassuiaatini suliap ingerlanerani arlaleriarluni allanngortissimanerinut unnersuussivoq. Eqqartuussinermi kingullermi tamanna pivoq, tassani pineqartuni arlalinni unnummi tassani qanoq pisoqarnerani allatut oqaluttuarpoq.

T-p DNA-va Birnap kamippaani nassaarineqartoq, Kolbrún Benediktsdóttirip uparuarpaa, kiisalu T-p inuaata ipaasaat biilersinnaanermut allagartaani kilisaammi Polar Nanormi nassaarineqarsimapput. Aammattaaq Birnap aava biilimi aappaluttumi attartorsimasaani, salinniarsarineqarsimasumi nassaarineqarluni.

Tamakku tamarmik taanna naapertorlugu T-p nassuiarsinnaanngilai.

Tamatuma saniatigut biili 300 kilometerit sinnerlugit nassuiarneqanngitsumik ingerlasimavoq.

Angut alla, N, biilimut ilaasimasoq T-p ilanngunniarsarigaluarnera ilumuunnginnerarpaa. T eqqartuussivimmi nassuiaavoq, N biilerluni Birna peqatigalugu T qimallugu ingerlasimasoq.

Kisianni videomik nakkutiginninnermut atorneqartartuni biili umiarsualivimmi qimallugu Polar Nanormi ikisoq takuneqarnerata siorna, Birna toqoriarlugu toqqornissaanut piffissaqarsinnaanngilaq.

Aamma atuaruk:

Birnap arnaa: - Inuugallarneratut eqqaamassavarput

Sapaatip-akunnerisa sisamat ingerlanerini eqqartuussivimmi aalajangiisoqassasoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER