Skip to main content

Binzeri ataasinngorpat suliffeqarfimmik aallartitsissaaq

Tele-Postimi pisortaasimasoq Michael Binzer Nuummi suliffeqarfiutitaaminit coacherisalerniarpoq, suliffeqarfiillu aqutsineranni ikiorlugit

(Tele-Postimi tunuarneq pillugu allaaserisaq nutarterneqarpoq)

Suliaqarunnaarneq tamaannga Michael Binzerimut killeqarpoq. Ataasinngorpamiimmi Mentorix Grønlandimi piginneqataalissaaq - suliffeqarfik nutaaq ilaatigut Kenny Munchimit pineqarlunilu sapaatip akunnerata nutaap aallartinnissaata tungaanut aqunneqartoq, qallunaat suliffeqarfiutaata Mentorixip Kalaallit Nunaanni immikkoortortaqarfigisaa.

Annilaanganngilaq
Suliffeqarfik Mentorix Kalaallit Nunaanni aqutsisunik pikkorissaanermik kiisalu siunnersuinermik ingerlataqartarsimavoq, Michael Binzerilu suliffeqarfimmi siuttoralugu  suliassanik allanik aamma neqerooruteqarsinnaanngortut, Kennye Munch, suliffeqarfimmeersoq oqarpoq.

Taassuma Michael Binzerip atorfinitsinnissaa suliffeqarfimmut kingunerlussinnaasorinngilaa. Binzerip cv-mik eqqunngitsumik ilinniagarisimanngisaminik nalunaarsuisarsimanini nassuerutigaa novembarimi ukioq kingulleq. Tele-Postimi siulersuisunit tatigineqannginnini malugigamiuk septembarimi ukioq kingulleq pisortaanertut soraarpoq.

- Isumakkeerinnittoqarsinnaasariaqartoq isumaqarpunga, oqarpoq.

- Suliffeqarfimmut kalaallini inuiaqatigiinni nalitusarniarparput, tamannalu Michael Binzer ikiortigalugu pisinnaavoq, Kenny Munck oqarpoq.

Binzerimoorluinnartoq
Michael Binzerillumi ikiuunnissani tunuarsimaarfiginngilaa. Ukiummi affaa kingulleq qaangiuttoq suliffeqarfinnut, ilisimatusarfinnut kommuuninullu siunnersortaasarsimavoq.

- Mentorixip periarfissippaanga suliassanut soqutigisannut ingerlatitseqqiisinnaaninnut. Tassa suliffeqarfinnik inunnillu ineriartortitseqqiinerit, Michael Binzer oqarpoq.

Mentoriximiipput ullumikkut taamaallat inuit pingasut. Mentorix, nunatsinni immikkoortortaqarfeqarnermini inunnik 220-t missaani aqutsinermut Prince 2 najoqqutaralugu pikkorissaasimavoq. 

Mentorixip Kalaallit Nunaanni immikkoortortaqarfiani aamma Louise Lindberg peqataavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER