Bill Gates Kalaallit Nunaanni aningaasaliivoq

Amerikarmiut teknologimi milliardærinngorsimasut aningaasaliissuteqarput immaqa nunarsuarmi nikkeleqarfiup annersaanut Qeqertarsuarmi aamma Nuussuup qeqertaasartaani. Nikkeli biilit innaallagiatortut batteriinut pingaaruteqarpoq.

- Nalilerparput Qeqertarsuarmi 12-16 millionit tonsinik kanngussaqartoq. Biilinut innaallagiatortunut batteriissanut hundrede millioninut arlalinnut naammattoq, Bluejay Miningimi pisortaq, Bo Møller Stensgaard, oqarpoq.

Nunarsuarmi pisuujunerpaat ilaasa Kalaallit Nunaannut soqutiginnilerput. Aningaasaaterpassuarmik ilaat nunarsuarmi nikkeleqarfiit annersaatut imaluunniit annersaasa tulliattut isigineqartumut aningaasaliissutigaat.

Nikkeli annertoorujussuaq Qeqertarsuarmi aamma Nuussuarmi nanissaapput.

Aviisi AG taamatut allappoq.

Aningasaliissuteqarnermut tunulequtaasut tassaapput amerikarmiut milliardærit tassaasut Microsoftimik pilersitsisoq Bill Gates, New Yorkimi borgmesteriusimasoq Michael Bloomberg aamma Amazonimik pilersitsisoq Jeff Bezos.

Angutit aningaasaatinik ulikkaartut Kalaallit Nunaanni suliniummut dollarsinik aningaasaliissuteqarput amerikamiut aatsitassarsiornermik ingerlatsiviat KoBold Metals aqqutigalugu. Ingerlatsiviup Kalaallit Nunaanni ilisimaneqarluartup Bluejay Mining suleqatigalugu, Kalaallit Nunaata kitaata avannaani aatsitassaqarfissuaq annertooq nikkelimik, koboltimik, kanngussammik aamma platinimik peqarfiusoq piiaaffinngortinniarlugu ineriartortitsiniartutut. Tassa imaappat aningaasaqarnikkut imminut akilersinnaappat.

Tuluit Nunaanni angerlarsimaffeqartup Bluejay Mining suliniutip 49 procentia pigivaa kiisalu Kobold Miningip 51 procentia pigalugu.

Oqaluttuaq tamaaq aviisimi AG-mi sapaatip-akunnerani matumani saqqummersumi atuaruk, ugguuna akiliillutit iserfigisinnaavat:

Powered by Labrador CMS