isumaqatigiissutit
Bilitsit akikinnerusut neriuutigigai
Kiffartuussinissamut isumaqatigiissummi nutaami timmisartornermi akit appassanersut, Inatsisartunut ilaasortap Jess Svanep (S), angallannermut naalakkersuisumut apeqquteqarpoq
Qulimiguulimmik timmisartuussinissamik kiffartuussinissamik isumaqatigiissut ukioq ataatsimik sivitsorneqarpoq.
Inatsisartunut ilaasortaq Jess Svane (S), bilitsit akii kiffartuussinissamut isumaqatigiissutip siulianit akikinnerussanersut, tassunga atatillugu Naalakkersuisunut allagaqarluni apeqquteqarpoq.
Atuaruk: Air Greenlandimi ilaasut sapaatip-akunnerinik pingasunik kinguaattoortut
Nassuiaanissamik piumasaqartoq
- Akit assigiinnginnerujussuat atuisuniit tupinnanngitsumik nassuiaatissarsiortuaraluarlugit nassuiaatiginiarneqartartut paasiuminaapput, taanna apeqquteqarnerminut tunngavilersuutimini taama allappoq.
Qeqertarsuup Tunuani illoqarfinni minnerusunit akit, silaannakkut kiffartuussinissamut angallaffigineqartussatut isumaqatigissuteqarfiusuni akit ullumikkorpiaq atuutsinneqartut, suliffeqarfiunngikkaanni akisungaaramik akilerneqarsinnaanngitsut, Jess Svanep erseqqissarpaa.
- Inuit nalinginnaat bilitsit akii taamaattut akilersinnaanngilaat.
Atuaruk: Air Greenland rekordiliinerup kingorna: Akia apeqqutaavallaanngilaq
Bilitsit akisuallaartut
- Asersuut ataaseq tassaavoq, Qasigiannguaniik Aasiannut siumuinnaq 2.200 koruunit missarluinnaani akeqarpoq. Minutsit 20-t ingerlaarnermi akiligassaq. Aali nunatta karsianiit tapiivigineqartoq, Jess Svane tikkuartuivoq.