Skip to main content

Biilit, umiatsiat qimaannakkat containerillu nunaminertamik atugassinneqanngitsut piiarneqalersut

Biilit, umiatsiat containerillu inuttaqanngitsunik Nuuk ulikkaartoq Kommuneqarfik Sermersooq nalunaaruteqarpoq. Piikkit, peerneqanngippata kommunimit iginneqassasut kommunip aarlerisaarutigaa

Kommuneqarfik Sermersuumi Sanarfinermut Avatangiisinullu ingerlatsivik pigisanik inuttaqanngitsunik Nuummi nunaminertamik atugassinneqanngitsunik nalunaarsueqqammerpoq.

Pigisallu nalunaarsorneqartut inuttaat qaammatit pingasut iluanni nalunaaruteqanngippata peerneqassasut kommunip nalunaarutigaa.

Atuaruk: Inissianut inissaqalersitsiniarluni Qasigiannguit iluarsaanneqassaaq

Pigisat inuttaqanngitsut Nuup assigani Asiaq-mit suliarineqartumit kommuni nittartagaani takuneqarsinnaanngorlugit nalunaarsorneqarsimapput. Taakkulu piginnittui nalunaaruteqanngippata qaammatit pingasut qaangiuppata peerneqassallutik.

Eqqakkanik qimaannakkanik kommuunip taakku taavai.

Biilit 36-t inuttassaarupput

Biilit 36-t, umiatsiat aqqanillit containerillu ammarneqanngitsut 24-t maannamut inuttaqanngitsutut nalunaarsorneqarsimapput.

Nunap assigani Toyota Corolla taartumik qalipaatilik piginnittuminit Qinngorpumut qimanneqarsimasoq takuneqarsinnaavoq. Qamutit usisarfillit Innannguarmi uninngaannartut Fjeldvejimilu containeri illup eqqaaniittoq nunaminertamik atugassinneqanngitsoq nalunaarsirneqarsimallutik.

Pigisat qimaannakkat allat Noorlernumi arlaqarput. Umiatsiaq, pallet arlallit Jeeperlu qasertoq sivisuumik ingerlasimanngitsoq ilaatigut nalunaarsorneqarsimallutik.

Kaattaanneqassapput

Piginnittut nalunaanngippata nunaninertamillu atugassamik qinnuteqaratik peerneqarnissaaluunniit isumaginngippassuk Kommuneqarfik Sermersooq kaattaassinissaminik pisinnaatitaaffeqarpoq, taamaanngippat pigisat peerneqarnerisa aningaasartuutaat matussusertissinnaallugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER