Skip to main content

Biilit inunnik assartuutit suli amerliartorput

Nunatsinni aqqusinerni tattoqittoqaleriartuinnarpoq. Maannami biilit inunnik assartuutit 5.800-iupput biilillu innaallagiartortut hybrid-illu aamma suli amerliartorput.

Biilit inunnik assartuuit 8,4 procentimik ukiup siulianiit amerlanerupput. Biilit inunnik assartuutit 450-it ukiup siulianiit amerlanerusut 2020-imi akigineqarput. Nunatsinni biilit inunnik assartuutit maanna 5.832-iulerput. Taakkunannga 3.830-t inunnit pigineqarput, suliffeqarfinniillu pigineqartut 2.002-t nalunaarsorneqarsimallutik. 

Biilit innaallagiatortut hybrid-illu amerlipput

Biilit innaallagiatortut hybrid-illu nalunaarsorneqarsimasut 25 procentit missaanik amerleriarput. Biilit innaallagiatortut hybrid-illu politiit ukiumut nalunaarusiaanni  januarip aallaqqaataani 2021-imi 977-iupput. 2020-mi 643-usut. 

Biilit innaallagiatortut ullumikkut 747-t nalunaarsorneqarsimapput, hybrid plug-innillu 203-t nalunaarsorneqarsimallutik. Hybrid biilitut nalunaarsukkat katillugit 27-iupput. Biilit innaallagiatortut hybridillu tamaasa 2020 sioqqullugu biilit innaallagiatortutut nalunaarsorneqartarsimapput. Taamaammat biilit innaallagiartortutut 2019 ilanngullugu nalunaarsukkat 747-sut tassaapput hybrid plug-innit hybridillu ataatsimoortillugit nalunaarsorneqarsimasut. 

Biilit usisaatilli amerleriarput

Naak biilit usisaatillit amerleriapiloorsimanngikkaluartut aamma 2,2 procentimik amerleriarput. Usisaatillimmi 1.610-t januaarip aallaqqaataani 2021-imi nalunaarsorneqarsimapput. 

Qamutillit allat soorlu snescooterit atv-illu inunnit suliffeqarfinniillu pigineqartut 2013-imiit nalunaarsorneqartalerneraniillu amerleriarujussuarput. Januaarip aallaqqaataani 2020-mi qamutit nummerplade-llit nalunaarsukkat 12.815-iupput. Taakkunannga 12.424-t motooriliupput, 391-illu kalitaallutik usisaat peertagaallutilluunniit. 

Januaarup aallaqqaataani 2021-mi qamutit motoorillit 4.677-it akileraartussaatitaanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER