Skip to main content

Biilit dieselitortut 26.000 koruuninik akisunerulersinnaapput

Biilit dieselitortut angisuut nuannarineqartullu pisiariniaraanni siunissami akisuninngorsinnaapput.

Naalakkersuisummi akitsuuseeriaatsimik nutaamik biilertartut mingutsitsinngitsunik biilisinissaannut kajumissaataasumik eqqussissallutik pilersaaruteqarput. Tunngavigineqartoq erseqqippoq: Biilit mingutsitsinerusut akisunerussapput.

Inatsisissatut siunnersuutit pingasut
Mingutsitsinnginnermut meqqi nutaaq akitsuutinut nutaanut tunngaviussaaq; Meqqi tassunga assingusoq Danmarkimi EU-milu nunani arlalinni aatorneqarpoq.

Aviisi AG saqqummertumi kingullermi taama allappoq.

Ataatsimoortillugit inatsisilianut – katillugit pingasunik inatsisitalinnut – oqaaseqaasiussani biilit nutaat Kalaallit Nunaannut eqqunneqartut qanoq akeqassaneri assersuutitut taaneqarpoq.

- Biili dieselitortoq 90.000 krouunillik 116.000 koruunit nalingannut akitsuuserneqassaaq; dieselitortunut tapiliussatut akitsuut 12.000 kroruuniusoq ilanngullugu, oqaaseqaatini allassimavoq.

Biili taamaattoq ullumikkut 90.000 koruuninik akitsuuserneqartarpoq.

Tassa biilit nutaamik (aappaagumiit atulertussatut pilersaarutaasunik) akitsuusikkat biileerniarfimmi akii 26.000 koruunit angullugit qaffakkiartuaassapput.

Aserortertinnissaannut akiliut
Biilit atorunnaartussat aserortertinnissaannut akiliut biilit nutaat akiinut ilanngunneqartussaq inatsisissatut siunnersuummi taaneqartoq 5.000 koruuniusussaq piareersarneqarpoq.

Biilitoqqanik pisoqalillutik saviminikunngulersunik kommunit – biilinik aserorterisarfinnik ikiorneqarlutik – isumaginnittussaammata aningaasat kommunut tunniunneqartassapput.

Inatsisissatut siunnersuutip kingunissai taamaasa aviisimi AG-mi saqqummertumi kingullermi atuakkit, taanna uani ataani digitaliusumik isissutissarsiffigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER