Biilit ajoquserujussuartut: Aquttoq politiinit ujaarineqarpoq

Biilit tallimanngornermi unnuakkut Nuummi Qinngutsinni ajutoorsimapput. Aquttuat imminut nalunaarutigisimanngitsoq politiinit ujaarineqarpoq.

Biilit ajutoorfigisimasaminni arfininngornermi ullaakkut suli uninngapput.

Biilinik Nuummi Qinngutsinni ajutoortoqarsimaneranik politiit tallimanngornermi unnuakkut nal. 01.12 nalunaarfigineqarput.

Politiit naliliipput kisimiilluni ajutoortoqarsimanera pineqartoq, maannakkorpiarlu inuk biilinik ingerlatitsisuusimasoq ujaarineqarluni.

Politiit paasiniaanerisigut ilimmatsaanneqarpoq biilit ajutoormata inuit sisamat biiliniissimasut, pigaartut ittuat Bruno Brix Sermitsiaq.AG-mut paasissutissiivoq.

Biilit tallimanngornermi unnuakkut ajutoorfigisaminni arfininngornermi ullaakkut suli uninngapput.

Biilit aallarunneqarsimasut nassaarineqartut

Politiit tallimanngornermi ullaakkut Sermitsiaq.AG-mut paasissutissiipput, Nuummi biilinik piginnittup biilini kissasserniarlugit motoorimik aallartitsisimaneranut atatillugu biilinik aallarussisoqarsimasoq.

Pigaartut ittuat arfininngornermi oqaluttuarpoq, biilit tallimanngornermi unnukkut nal. 23.40 missaani nassaarineqarsimasut.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS