Biilinik ajutoortoqarnerani arnaq 52-inik ukiulik ajunaartoq
Nuummi ataasinngornermi ualikkut arnaq sikkilertoq lastbilinit aporneqarluni ajunaarpoq. Ilaqutaasut kalerrinneqareerput.
Nuummi politiit pigaartui ataasinngornermi nalunaaqutaq 17.07 nalunaarfigineqarput biilit ajutoorsimasut. Ajutoortoqarnerani arnaq 52-inik ukiulik ajunaarpoq. Politiit ataasinngornermi unnukkut taama nalunaaruteqarput. Ajunaartumut ilaqutaasut kalerrinneqareerput.
Sullorsuup eqqaani aqqusinermi Sarfaannguit-ni lastbilit sikkilertumik apuisimapput. Politiit ambulancellu - qatserisartunit ikiorneqarlutik - ajutoorfimmut tikiutigasuarput, arnalli inuunera annaanneqarsinnaasimanngilaq.
Lastbilinik ingerlatsisoq ajoqusersimanngilaq, ajutoornerulli kinguneranit tupaqqalluni.
Politiit upalungaarsimasullu ajutoorfimmi suligasuarlutik naammassereerput, nalunaaqutarlu 21.00 qaangersimatsiaraa politiit pigaartui ilisimatitsipput sumiiffimmi aqqusinermi angallanneq ammarneqaqqittoq.
Takunnissimasinnaasut takusartik pillugu iluaalliuuteqarunik ikiugassaallutilluunniit pisariaqartitsigunik politiinut tlf. 701448 imaluunniit peqqinnissaqarfimmut tlf. 344400-imut sianeqquneqarput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...