Skip to main content

Biilimik aallarussisimasut tigusarineqaqappallassimapput tigummigallarneqalerlutillu

Nuummi tallimanngornerup ullaassaanni biilimik aallarussisoqarsimanera politiit qaqutigoortumik suliarpassuarisimasaasa ilagiinnarpaat.

Nuummi illoqarfiup immikkoortortaani Nuussuarmi tallimanngornerup ullaassaani biilimik aallarussissimasut marluk iluatsitsivallaarsimanngillat.

Politiit biilimik aallarussisoqarsimaneranik nalunaaqutaq 04.41 nalunaarfigineqarsimapput, politiillu nalunaaruteqartoqarneranit piffissaq sivikitsoq qaangiutiinnartoq aallarussisimasumik tigusarinnissimapput.

Apummi takussutissat iluaqutaasimasut

- Biilip aallarunneqarfianit biilit assakaasuisa takussutissartaat iluaqutigisimavavut. Nalunaarfigineqarnitsinnit piffissap sivikitsup ingerlanerani aallarussisimasup aappaa tigusaraarput, nalunaaquttallu akunnerisa marluk qaangiunneranni biilimik aallarussisimasut aappaa tigusaralutigu, Nuummi politiini pigaartut pisortaat  Brian Thomsen ilisimatitsivoq.

Aallarussisimasut taakku marluk angutaapput 20-niik 30-t tungaannut ukiullit.

Brian Thomsen ilisimatitsivoq, sapaatip akunnerata taamaalinera aamma aningaasarsiffiusimannginnera eqqarsaatigissagaanni unnuaq qaqutigoortumik ulapiffiusimasoq. Angerlarsimaffinni eqqissiviilliortoqarnera imigassartorsimanermullu atatillugu suliarineqarsimasut initusimaqaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER