Biili ikuallattoq ikuallatsitsisoqarsimaneratut misissuiffigineqartoq
Marlunngornerup unnuaani biili ataaseq Nuummi Atertamiittoq ikuallassimavoq. Politiit suliaq ikuallatsitsisoqarsimaneratut misissuiffigaat.
Marlunngornerup unuaani nalunaaqutaq 03.03 politiit pigaartuinut nalunaarutigineqarpoq, Nuup illoqarfiata immikkoortortaani Nuussuarmiittumi Atertami biili ikuallattoq.
Sumiiffimmi najugaqartut arlallit Sermitsiaq.AG-mut ilisimatitsissutigaat, seqqorpallattutut tusaassaqarsimallutik aamma biili uninngasoq sakkortuumik ikuallattoq takusimallukku.
Kalaallit Nunaanni Politiit ikuallattoqarnera uppernarsarpaat, ilisimatitsissutigaallu biilimi annikitsumik qaarpallattoqartarnera seqqorpallattutut tusaaneqartarsimasoq.
Ikuallattoq nalunaarutigineqarmat qatserisartut sumiiffimmukartinneqarsimapput, taakkulu nalunaaqutaq 03.19 qamisaallutik aallartissimallutik.
- Qatserisartut qamisaallutik aallartitsinnatik biilimi qaartoqartarnera qaangiusseeqqaarsimavaat, Kalaallit Nunaanni Politiit attaveqartartuat Fabian Uth Nielssen Sermit5siaq.AG-mut ilisimatitsivoq.
- Suliaq ikuallatsitsisimasutut misissuiffigaarput, taanna ilisimatitsivoq.
Politiit misissuisoqarnera pissutigalugu, ikuallattoq sooq ikuallatsitsisimasutut misissuiffigineqarnersoq imaluunniit takussutissat suut misissorneqarnersut oqaatigisinnaannginnerarpaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...